आठवड्याभरानंतर तेजस ठाकरेंना रुग्णालयातून डिस्चार्ज
तेजस ठाकरेंना एच. एन. रिलायन्स रुग्णालयातून एका आठवड्यानंतर डिस्चार्ज मिळाला आहे. संसर्गामुळे त्यांची तब्येत बिघडली होती आणि त्यांना रुग्णालयात दाखल करण्यात आले होते. उपचारानंतर त्यांची प्रकृती सुधारली असून, आता ते पूर्णपणे बरे झाले आहेत.
माजी मुख्यमंत्री उद्धव ठाकरे यांचे पुत्र तेजस ठाकरे यांना मुंबईतील सुप्रसिद्ध एच. एन. रिलायन्स रुग्णालयातून आता डिस्चार्ज देण्यात आला आहे. एका आठवड्याच्या उपचारानंतर त्यांना रुग्णालयातून सुट्टी मिळाली. संसर्गामुळे त्यांची तब्येत बिघडली होती, ज्यामुळे त्यांना रुग्णालयात दाखल करण्यात आले होते.
सूत्रांनी दिलेल्या माहितीनुसार, तेजस ठाकरे यांना काही दिवसांपूर्वी आरोग्यविषयक तक्रारी जाणवू लागल्या होत्या. तपासणीनंतर त्यांना इन्फेक्शन झाल्याचे निष्पन्न झाले. त्यानंतर त्यांना तात्काळ एच. एन. रिलायन्स रुग्णालयात उपचारासाठी दाखल करण्यात आले. एका आठवड्याभरापासून त्यांच्यावर वैद्यकीय देखरेखीखाली उपचार सुरू होते. आता त्यांची प्रकृती पूर्णपणे सुधारली असून, त्यांना घरी जाण्याची परवानगी देण्यात आली आहे. या घटनेमुळे ठाकरे कुटुंबातील सदस्यांनी आणि हितचिंतकांनी सुटकेचा निःश्वास सोडला आहे.
