Thane Case : ठाण्यात ठाकरेंच्या पदाधिकाऱ्याला संपवलं, CCTV फुटेज समोर

ठाण्यात ठाकरे सेनेचे विभाग प्रमुख प्रदीप पूर्णेकर यांच्यावर अज्ञातांकडून गोळीबार झाला. यामध्ये त्यांनी जीव गमावला आहे. पूर्णेकर कुटुंबीयांनी या प्रकरणात माजी महापौर मीनाक्षी शिंदे आणि त्यांच्या पतीवर जुन्या वादातून त्यांचा जीव घेतल्याचा आरोप केला आहे. पोलिसांनी पाचपैकी दोन संशयितांना ताब्यात घेतले असून इतरांचा शोध सुरू आहे.
प्रत्यक्षदर्शींच्या माहितीनुसार, गोळीबाराचा आवाज ऐकल्यानंतर काही व्यक्तींना घटनास्थळावरून पळताना पाहिले गेले. एका साक्षीदाराच्या मुलीने एका व्यक्तीला धारदार शस्त्र लपवतानाही पाहिले. आरोपी एका गाडीतून आणि एका दुचाकीवरून पळून गेले. या प्रकरणाच्या सखोल चौकशीची मागणी होत असून पोलीस पुढील तपास करत आहेत. या संपूर्ण प्रकरणाचा सीसीटीव्ही फुटेज समोर आला आहे.