Nashik : येवल्यातील कलाकारानं 1008 पानांवर साकारली महादेवाची प्रतिमा

नाशिक : कलाकार आपली कलाकारी विविध माध्यमातून नेहमी साकारत असतो. अशाच प्रकारे येवल्यातील( Yevala) संतोष राऊळ(santosh raul) या कलाकाराने श्रावण महिनाचे निमित्ताने 1008 बेलाचे पाने आणून ह्या सर्व बेलाच्या पानांना महादेवाचा( Lord Mahadev ) आकार देऊन त्यावर कलर देऊन ध्यानस्थ महादेवाची अप्रतिम अशी प्रतिमा साकारली आहे. या मूर्तीच्या आजूबाजूला देखील शेकडो बेलाचे पाने लावून त्यावर देखील महादेवाच्या विविध प्रतिमा, ओम नमः शिवाय, डमरू, त्रिशूल असे सर्व महादेवाचे नावे व शस्त्र आदी रेखाटले आहेत. या कलाकाराने आपल्या हाताच्या साह्याने पानावर कलरच्या माध्यमातून  रेखाटन करून ही अनोखी प्रतिमा साकारली आहे. या कला कृती साकारण्यासाठी या कलाकाराला दोन दिवसाचा कालावधी लागला आहे. त्याच्या या अनोख्या कलेचे सर्वत्र कौतुक होत आहे.