उदय सामंत यांच्या बॅगेची निवडणूक आयोगाकडून तपासणी, बॅगेत नेमकं काय-काय? खुद्द मंत्र्यानंच सांगितलं…

उद्योगमंत्री उदय सामंत यांच्या बॅगांची नाशिकमध्ये तपासणी करण्यात आली आहे. नाशिकमधील पोलीस परेड मैदानावर त्यांचे हेलिकॉप्टर लँड होताच, निवडणूक आयोगाच्या पथकाने ही तपासणी केली. आगामी महापालिका निवडणुकांच्या अनुषंगाने ही कार्यवाही करण्यात आल्याचे सांगण्यात येत आहे. या तपासणीवर प्रतिक्रिया देताना उदय सामंत यांनी सांगितले की, ते जेव्हा प्रचारासाठी जातात, तेव्हा त्यांच्या बॅगांची तपासणी नेहमीच केली जाते.

उदय सामंत म्हणाले, “त्याच्यातनं त्यांना काय मिळतं, हे जर मी चॅनलवर सांगितलं, तर ते बरोबर दिसणार नाही. पण माझे कपडे असतात. जे आपण सकाळी उठल्यानंतर पेहराव करतो, ते सगळेच कपडे असतात. ते बघतात, परत बंद करून ठेवतात आणि निघून जातात.” सामंत यांनी पुढे स्पष्ट केले की, ही निवडणूक आयोगाची जबाबदारी असून, त्यांना यात कमीपणा वाटत नाही. उलट, त्यांनी आपली ड्युटी बजावावी आणि महाराष्ट्राला सांगावे की, उदय सामंत जेव्हा हेलिकॉप्टरमधून येतात, तेव्हा त्यांच्या बॅगांमध्ये फक्त त्यांचे कपडे असतात. ही घटना महाराष्ट्र राजकारणातील निवडणूक तयारीच्या पार्श्वभूमीवर घडली आहे.