नवी दिल्लीत संसदेच्या शिवसेना कार्यालयातून उद्धव ठाकरे यांचा फोटो काढला अन्…

नवी दिल्ली : केंद्रीय निवडणूक आयोगाने शिवसेना पक्षाचे नाव आणि धनुष्यबाण हे चिन्ह मुख्यमंत्री एकनाथ शिंदे यांना दिल्यानंतर सोमवारी मुंबईतील विधिमंडळ पक्ष कार्यालय शिवसेना पक्षाने गमावले होते. त्यानंतर मंगळवारी दिल्लीतील शिवसेना संसदीय पक्षाचे कार्यालयही त्यांना गमवावे लागले आहे. दिल्लीतील शिवसेनेचे कार्यालय शिवसेनेला दिल्याचे पत्र खासदार राहुल शेवाळे यांच्या नावाने लोकसभा सचिवालयाने पाठवले होते. त्यानंतर आता नवी दिल्लीतून पुन्हा मोठी बातमी समोर आली आहे. संसदेच्या शिवसेना कार्यालयातून उद्धव ठाकरे यांचा फोटो काढला असून या जागी बाळासाहेब ठाकरे, आनंद दिघे आणि एकनाथ शिंदे यांचे फोटो लावण्यात आले आहे.