शिंदेंना कोण-कोण आपला बाप वाटतं कोण जाणे! आधीच माझ्या वडिलांना…- उद्धव ठाकरे

मुंबई : उद्धव ठाकरे यांनी पत्रकार परिषद घेत शिंदेगट आणि मुख्यमंत्री एकनाथ शिंदेंवर निशाणा साधलाय. यात त्यांनी बाळासाहेब ठाकरे आणि अमित शाह यांचाही दाखला दिला आहे. “एकनाथ शिंदेंना अमित शाह वडिलांसारखे वाटत आहेत. त्यांना कोण-कोण बाप वाटतं कोण जाणे! माझे वडीलही त्यांनी चोरण्याचा प्रयत्न केला आहे. आता शाहांना ते वडील म्हणत असतील तर अनेक प्रश्न उपस्थित होतात”, असं उद्धव ठाकरे म्हणालेत. निवडणूक आयोग बरखास्त करा. आमचा त्यावर विश्वास नाहीये. ईव्हीएमवर यापूर्वी आम्ही अविश्वास दाखवला पाहिजे. जी काही सुनावणी असेल ती सर्वोच्च न्यायालयात झाली पाहिजे, असंही ठाकरे म्हणालेत.