Video | गाय मरणाला टेकली होती, शेतकरी तिला खांद्यावर उचलून घेऊन आला, आता वासराचं धुमधडाक्यात बारसं!

Video | गाय मरणाला टेकली होती, शेतकरी तिला खांद्यावर उचलून घेऊन आला, आता वासराचं धुमधडाक्यात बारसं!
वासराचं बारसं करता शेतकऱ्यांचं खास फोटोसेशन
Image Credit source: TV9 Marathi

Nanded : यावेळी वासराला पाळण्यात बसवून फोटोसेशल पार पडलं. गावातील महिलांनीही मोठ्या उत्साहात पाळणे म्हणत वासराचं नाव ठेवलं.

राजीव गिरी

| Edited By: सिद्धेश सावंत

Mar 15, 2022 | 7:52 PM

नांदेड : शेतकरी आणि त्याची दुभती जनावरं, यांचं नातं किती खास आहे, अनमोल आहे, हे अधोरेखित करणारी एक हृदस्पर्शी घटना (Human interest) समोर आली आहे. घटना नांदेड जिल्ह्यातल्या एका गावातली आहे. एक गाय अत्यंत बेजार झाली होती. अशक्तपणानं कोलमडली होती. मरणाला टेकलेल्या या गाईकडे एका संवेदनशील शेतकऱ्याची (Farmer) नजर पडली. शेतकऱ्याला राहावलं नाही. त्यानं गाईला आपल्या खांद्यावर उचललं. थेट घर गाठलं. मनापासून या गाईची (care of cow) सुश्रुशा केली. तिचं औषधपाणी केलं. तिला खाऊ खातलं. पुन्हा नवं आयुष्य दिलं. शेतकऱ्यानं केलेल्या संगोपनानंतर गाईला नवा जन्मच दिला होता. आता याच गाईच्या पोटी एक वासरु जन्माला आलं आहे. या वासरानं शेतकऱ्याच्या कुटुंबातला आनंद द्वीगुणित केलाय. घरात एकही मुलगी नाही. त्यामुळे या वासराला मुलगी मानत शेतकऱ्यांनं धुमधडाक्यात बारसं पार पडलंय. नांदेडमधील या शेतकऱ्याची चर्चा अख्या राज्यात सुरु झाली आहे.

आनंद आणि उत्साह

या शेतकऱ्यांचं नाव आहे मारुती मारजवाडे. नांदेड जिल्ह्यातल्या खानापूरचे ते रहिवासी. दोन वर्षांपूर्वी मारुते हे शेतात गेले होते. तेव्हा त्यांना एक गाय मरणासन्न अवस्थेत सापडली होती. या शेतकऱ्यानं गाईला आपल्या खांद्यावर घेतलं आणि घर गाठलं. घरी जाऊन शेतकऱ्यानं या गाईला धडधाकट केलं. त्यानंतर आता या गाईनं एक वासरु जन्माला घातलंय.

आपलंच लेकरु असल्यासारखं या शेतकऱ्यानं या वासराचं मोठ्या थाटामाटात स्वागत केलंय. अख्खा गाव या वासराच्या बारशासाठी एकवटला होता. मारुती मारजवाडे यांना मुलगी नाही. या वासराच्या रुपात आपल्याला मुलगी जन्माला आली आहे, असं समजून या मारुती यांनी सण साजरा करावा, तसं या वासराचं बारसं धुमधडाक्यात साजरं केलंय.

गावजेवण आणि अनोखा पाळणा

यावेळी वासराला पाळण्यात बसवून फोटोसेशल पार पडलं. गावातील महिलांनीही मोठ्या उत्साहात पाळणे म्हणत वासराचं नाव ठेवलं. जवळपास चारशे पाचशे जणांना वरणभात, पोळीभाजी, गोडबुंदी, खारी बुंदी असं गावजेवण मारुती यांनी या वेळी दिलंय. पशुपालक मारोती मारजवाडे यांनी केलेलं अनोखं बारसं सर्वत्र चर्चेचा विषय ठरलंय.

पाहा व्हिडीओ :

कृषी संदर्भातील इतर बातम्या :

आता उन्हात होरपळतोय फळांचा राजा, तिसऱ्या बहरातील हापूसला धोका कशाचा?

…म्हणे महिला शेतकरी सन्मान वर्ष, सन्मान सोडाच- शेतकरी महिलेच्या कष्टाचीही कदर नाही..!

Photo Gallery : सरकार निर्णयाचे ‘असे’ हे स्वागत, जळगावात केळीच्या खोडाचे पूजन अन् जंगी मिरवणूक


Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें