भारताने आतापर्यंत अडीच दशलक्ष टन साखर केली निर्यात, जाणून घ्या कोणत्या देशाने केली सर्वाधिक खरेदी

हा आकडा या वर्षाचा म्हणजे मार्केटिंग वर्ष 2019-20 चा आहे. ऑक्टोबर ते सप्टेंबर या कालावधीत साखरेचे विक्रीचे वर्ष चालते. यावर्षी पाच महिने शिल्लक आहेत, असे एआयएसटीएचे म्हणणे आहे. (India has so far exported 2.5 million tonnes of sugar, find out which country bought the most)

भारताने आतापर्यंत अडीच दशलक्ष टन साखर केली निर्यात, जाणून घ्या कोणत्या देशाने केली सर्वाधिक खरेदी
भारताने आतापर्यंत अडीच दशलक्ष टन साखर केली निर्यात

नवी दिल्ली : यावर्षी भारताने आतापर्यंत अडीच दशलक्ष टन साखर निर्यात केली आहे. सोमवारी अखिल भारतीय साखर व्यापार संघटनेने (एआयएसटीए) सांगितले की, इंडोनेशियाने आपल्या देशातून सर्वाधिक साखर खरेदी केली आहे. भारतीय साखर कारखान्यांनी यावेळी अनेक देशांकडून 3.3 दशलक्ष टन साखर निर्यात करण्याचा करार केला आहे, तर अन्न मंत्रालयाने निर्यातीसाठी 6 लाख दशलक्ष टन उद्दिष्ट ठेवले आहे. हा आकडा या वर्षाचा म्हणजे मार्केटिंग वर्ष 2019-20 चा आहे. ऑक्टोबर ते सप्टेंबर या कालावधीत साखरेचे विक्रीचे वर्ष चालते. यावर्षी पाच महिने शिल्लक आहेत, असे एआयएसटीएचे म्हणणे आहे. वर्षाच्या अखेरपर्यंत आम्ही आपले ध्येय साध्य करु. (India has so far exported 2.5 million tonnes of sugar, find out which country bought the most)

एआयएसटीएच्या म्हणण्यानुसार, गिरण्यांनी 1 जानेवारी ते 9 एप्रिल 2021 पर्यंत एकूण 2.49 दशलक्ष टन साखर निर्यात केली आहे. अतिरिक्त 3 लाख 03 हजार 450 टन साखर मार्गस्थ आहे आणि पोर्ट आधारीत रिफायनरीजना देण्यात येईल. एआयएसटीएचे उपाध्यक्ष राहिल शेख म्हणाले की, यंदा 6 दशलक्ष टन्स निर्यातीचे लक्ष्य गाठण्यासाठी आम्ही पूर्णपणे तयार आहोत. इंडोनेशिया, अफगाणिस्तान आणि श्रीलंका हे आमचे पहिले तीन खरेदीदार आहेत. गेल्या वर्षी इराणला सर्वाधिक साखर निर्यात केली जात होती. यावर्षी चलनाच्या मुद्द्यावरून इराणची निर्यात होऊ शकली नाही.

कोणत्या देशांना केली इतकी निर्यात?

राहिल शेख म्हणाले की, प्रथमच इंडोनेशियाने भारताबरोबर गुणवत्तेची आवश्यकता जुळवली. यानंतर इंडोनेशियातील व्यापाऱ्यांना साखर खरेदी करण्याची परवानगी मिळाली. त्याचबरोबर, ब्राझीलने यावेळी डिसेंबर ते मार्च या कालावधीत ऑफ हंगाम सुरू केला, त्यामुळे आम्हाला इंडोनेशियाला अधिक माल पुरवण्यात यश आले, अन्यथा अफगाणिस्तान आणि श्रीलंका हे आमचे नियमित खरेदीदार आहेत. त्यांनी सांगितले की यावेळी युएईही भारताचा नवीन खरेदीदार झाला आहे.

युनियनने म्हटले आहे की 9 एप्रिलपर्यंत झालेल्या एकूण निर्यातपैकी 9 लाख 61 हजार 594 इंडोनेशियाला, 3 लाख 08 हजार 302 अफगाणिस्तानला आणि 2 लाख 46 हजार 391 टन साखर श्रीलंकेत निर्यात केली गेली आहे. शेख म्हणाले, यावर्षी एकूण निर्यात 5 दशलक्ष टनांपर्यंत पोहोचेल अशी आमची अपेक्षा आहे. मान्सून आणि लॉकडाऊनशी संबंधित मुद्द्यांमुळे पुढील विपणन वर्षात सुमारे 0.5 दशलक्ष टन्स जाण्याची शक्यता आहे. तथापि, संपूर्ण 6 दशलक्ष टन निर्यात करण्याची मागणी आहे.

देशांतर्गत उत्पादनाचा अंदाज वाढविला जाईल

ते म्हणाले की, जून ते सप्टेंबर या तिमाहीत हंगामी कारणांमुळे निर्यातीत मंदी येऊ शकते. याव्यतिरिक्त, महामारीनंतर लॉजिस्टिक अडचणी येऊ शकतात. या महिन्यात पाच वर्षे पूर्ण करणाऱ्या एआयएसटीएने म्हटले आहे की लवकरच देशांतर्गत उत्पादनाचा अंदाज 29.9 दशलक्ष टनांवरून 35 दशलक्ष टनांवर जाईल. त्याच वेळी, वापर 25.5 दशलक्ष टन होईल. (India has so far exported 2.5 million tonnes of sugar, find out which country bought the most)

इतर बातम्या

कोरोना काळात का वाढत आहेत डाळी, तेल आणि मसाल्यांच्या किंमती, शेतकऱ्यांवर याचा काय परिणाम होईल?

PM Kisan : या शेतकर्‍यांच्या खात्यात येणार नाहीत 2 हजार रुपये, योजनेत बसत नसल्यास त्वरीत काढा नाव, अन्यथा होईल कारवाई