Vegetable Export : लंडन, जर्मनीसह इतर देशात भाजीपाल्याची निर्यात, पाच पट वाढले शेतकऱ्यांचे उत्पन्न
Vegetable Export : डॉ. रामकुमार राय मुहम्मदाबादजवळील जोगा मुसाहिबचे राहणारे आहेत. आधी डॉ. रामकुमार राय पारंपरिक पद्धतीने शेती करत होते. त्यात त्यांना नफा कमी मिळत होता.
नवी दिल्ली : उत्तर प्रदेशचे शेतकरी धान, गहू, ऊस आणि बटाट्याची शेती करतात. याशिवाय काही शेतकरी फळबाग लागवडही करतात. गाजीपूर जिल्ह्यातील शेतकरी मोठ्या प्रमाणात सेंद्रीय पद्धतीने हिरव्या भाजीपाल्याची शेती करतात. युरोप आणि आफ्रिकेत भाजीपाल्याची निर्यात करतात. आता आपण अशा एका शेतकऱ्याबद्दल पाहणार आहोत ज्यांनी एक आदर्श निर्माण केला. त्यांचे नाव आहे डॉ. रामकुमार राय.
सात वर्षांपासून सेंद्रीय शेतीची लागवड
डॉ. रामकुमार राय मुहम्मदाबादजवळील जोगा मुसाहिबचे राहणारे आहेत. आधी डॉ. रामकुमार राय पारंपरिक पद्धतीने शेती करत होते. त्यात त्यांना नफा कमी मिळत होता. गेल्या सात वर्षांपासून ते सेंद्रीय आणि आधुनिक पद्धतीने भाजीपाल्याची शेती करत आहेत. यामुळे डॉ. रामकुमार राय यांची मोठी कमाई होत आहे.
आफ्रिका खंडात फ्लाईटने भाजीपाला पाठवला जातो
डॉ. रामकुमार राय आपल्या शेतीत लवकी, शिमला मिर्ची, फुलगोबी, टमाटर, काकडी, लाल भेंडी, स्ट्राबेरी, पपई आणि हिरव्या मिर्चीची लागवड करतात. शेतात तयार होत असलेला भाजीपाला लंडन आणि सौदी अरब देशात पाठवला जातो. यामुळे त्यांना पाचपट अधिक आर्थिक लाभ होत आहे. ऑस्ट्रीया, जर्मनी, हंगेरी, ओमान, कतार या देशात गाजीपूरवरून निर्यात होत आहे. याशिवाय आफ्रिका खंडात भाजीपाला प्लाईटने पाठवला जातो.
४०० हेक्टरमध्ये सेंद्रीय आणि आधुनिक शेती
राजकुमार राय यांना निर्यात करण्यासाठी २०२०-२१ मध्ये परवाना मिळाला होता. कोरोना काळात भाजीपाला खराब होत होता. त्यामुळे त्यांनी निर्यात करण्याचा निर्णय घेतला. त्यासाठी त्यांनी लायसन्ससाठी अप्लाय केला. एपीडाकडून त्यांना परवाना मिळाला. गाजीपूरच्या शेतकऱ्यांना लाखो रुपयांचा फायदा झाला. त्यामुळे या परिसरातील शेतकऱ्यांच्या जीवनात आनंद पसरला आहे. जीवनमान उंचावले आहे.
