Tea : चहाच्या चवीसाठी मोजा कोट्यवधी! चहापत्तीची किंमत ऐकून तोंडाचा आ वासेल..एका किलोत तर खरेदी करता येईल एक बंगला ..

नवी दिल्ली : अनेकांची सकाळ व्यायामाने नाहीतर सकाळच्या वाफाळलेल्या चहाच्या(Tea) घोटाने होते. प्रत्येकाच्या घरात वेगवेगळ्या ब्रँडच्या (Tea Companies) चहा उकळतो आणि कपात ओतल्या जातो. त्याचा अस्वाद घेत गप्पा रंगतात. बाजारात (Market)चहाचे अनेक ब्रँड आहेत. अनेक कंपन्या आहेत. पण तुम्हाला एक कप चहासाठी कोट्यवधी (Crore)रुपये मोजण्यात येतात, हे सांगितल्यावर विश्वास बसेल का?

चला तर , जगातील 5 महागड्या चहांविषयी (Most Expensive Tea) जाणून घेऊयात. त्यांचे बजेट अर्थातच इतके महागडे आहेत की डोळे विस्फरल्याशिवाय आणि तोंडाचा आ वासल्याशिवाय राहणार नाही.

तर ग्राहकांना या महागड्या चहासाठी कोट्यवधी रुपये मोजावे लागतील. या किंमतीत निमशहरात एक बंगला विकत घेता येईल. तर मोठ्या शहरात लक्झरी सदनिका विकत घेता येईल.

Da-Hong Pao Tea हा जगातील सर्वात महागडा चहा आहे. तो चीनच्या फुजियान या प्रांतातील डोंगरमाळांमध्ये उगविल्या जातो. हा चहा दुर्मिळ असल्याने तो राष्ट्रीय संपत्ती म्हणून घोषीत करण्यात आला आहे. एक किलो चहासाठी 1.2 दशलक्ष डॉलर मोजावे लागतात. म्हणजेच भारतीय चलनात 9 कोटी रुपये मोजावे लागतात.

Panda Dung Tea हा पण एक चीनमधील ब्रँड आहे. पांडाच्या शेणापासून जे खत तयार होते, ते या चहाच्या मळ्यात वापरण्यात येते. हे शेण हाय अॅटीऑक्सिडेंट म्हणून ओळखल्या जाते. एक किलो चहासाठी 57 लाख रुपये खर्च करावे लागतात.

जगातील तिसरी महागडी चहा ही सिंगापूरची आहे. या चहाला Yellow Gold Tea Buds असे म्हणतात. हा पण एक दुर्मिळ चहा आहे. याचे पान सोनेरी रंगाचे असते. वर्षांतून एकदाच याचे पीक घेण्यात येते. एक किलो चहासाठी 6 लाख रुपयांहून अधिकचा खर्च येतो.

Silver Tips Imperial Tea हा चहा भारतात उत्पादित होतो. हा जगातील चौथा सर्वात महागडा चहा आहे. या चहाचे पान केवळ पौर्णिमेच्या रात्रीच तोडण्यात येतात. दार्जिलिंगच्या मळ्यात याचे उत्पादन घेण्यात येते. एक किलो चहासाठी 1,50,724 रुपये मोजावे लागतील.

Gyokuro चा महागड्या चहाच्या यादीतील पाचवा क्रमांक लागतो. जपानमधील उजी जिल्ह्यात याचे उत्पादन करण्यात येते. एक किलो चहासाठी 52,960 रुपये खर्च करावे लागतात.