HDFC Bank : एचडीएफसी बँकेकडून पुन्हा व्याज दरात वाढ; इएमआयसह कर्ज महागणार, जाणून घ्या नवे व्याज दर

एचडीएफसी बँकेकडून पुन्हा एकदा व्याज दरात वाढ करण्यात आली आहे. व्याज दर वाढल्याने आता विविध प्रकारचे कर्ज महाग होणार असून, ईएमआयमध्ये देखील वाढ होणार आहे.

HDFC Bank : एचडीएफसी बँकेकडून पुन्हा व्याज दरात वाढ; इएमआयसह कर्ज महागणार, जाणून घ्या नवे व्याज दर
एचडीएफसी बँक
Image Credit source: TV9
अजय देशपांडे

|

Jul 07, 2022 | 1:07 PM

मुंबई : देशात सध्या महागाईचा भडका उडला आहे. अन्नधान्यापासून ते भाजीपाल्यापर्यंत आणि इंधनापासून ते एलपीजी गॅस सिलिंडरच्या दरापर्यंत सर्वच वस्तुंचे दर गगनाला भिडले आहेत. महागाईवर नियंत्रण मिळवण्यासाठी भारताची मध्यवर्ती बँक असलेल्या आरबीआयने (RBI) रेपो रेटमध्ये वाढ करण्याचा निर्णय घेतला, मात्र या रेपोरेट वाढीनंतर आता खासगी क्षेत्रातील बँकांनी व्याज दर वाढीचा धडका लावल्याचे दिसून येत आहे. एचडीएफसी बँकेच्या (HDFC Bank) ग्राहकांसाठी महत्त्वाची बातमी आहे. एचडीएफसी बँकेकडून वेगवेगळ्या कालावधीसाठी घेतलेल्या कर्जावरील एमसीएलआरमध्ये (Marginal Cost of Funds-Based Lending Rate) पुन्हा एकदा वाढ करण्यात आली आहे. बँकेने कर्जावरील एमसीएलआरमध्ये 20 बेसीस पॉइंटची वाढ केली आहे. बँकेच्या या निर्णयामुळे आता होम लोन, पर्सनल लोन, कार लोन असे विविध प्रकारचे लोन आणखी महाग होणार आहेत. बँकेचे नवे व्याज दर आजपासून लागू झाले आहेत.

व्याजदरात किती वाढ?

एचडीएफसी बँकेने आपल्या वेबसाईटवर दिलेल्या माहितीनुसार एक रात्रीच्या कालवधीसाठी घेतलेल्या कर्जावर एमसीएलआर वाढून 7.70 टक्के इतका करण्यात आला आहे. पूर्वी तो 7.50 टक्के इतका होता. एक महिन्याच्या कर्ज कालावधीसाठी एमसीएलआर 7.75 टक्के इतका करण्यात आला आहे. तीन महिन्याच्या कालावधीसाठी 7.80, 6 महिन्यांच्या कालावधीसाठी 7.90 टक्के इतका नव्या दरानुसार एमसीएलआर असणार आहे. एमसीएलआरमध्ये वाढ करण्यात आल्याने आपोआपच बँकेचे विविध प्रकारचे कर्ज महाग होणार आहेत. तसेच ईएमआयमध्ये देखील वाढ होणार आहे. आजपासून नवे दर लागू करण्यात आले आहेत.

हे सुद्धा वाचा

रेपो रेट वाढल्याने व्याज दरात वाढ

देशात महागाई वाढत आहे. वाढत्या महागाईला नियंत्रणात ठेवण्यासाठी आरबीआयकडून रेपो रेटमध्ये वाढ करण्यात आली आहे. आठ जून रोजी आरबीआयने आपला रेपो रेट 0.50 टक्क्यांनी वाढवला होता. त्यामुळे सध्या रेपो रेट 4.90 टक्क्यांवर पोहोचला आहे. दरम्यान त्यापूर्वी देखील मे महिन्यात आरबीआयने रेपे रेटमध्ये 0.40 टक्क्यांची वाढ केली होती. चालू आर्थिक वर्षात आरबीआयने दोनदा रेपो रेटमध्ये वाढ केली आहे. आरबीआयकडून रेपो रेटमध्ये वाढ करण्यात आल्यानंतर आता बँकांकडून देखील कर्जाच्या व्याजदरात वाढ करण्यात येत आहे.

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें