पेटीएमने शेअर विक्रीसाठी कागदपत्रे सादर करण्याची अंतिम मुदत वाढविली !

नवी दिल्ली : डिजिटल पेमेंट्स आणि वित्तीय सेवा क्षेत्रातील लोकप्रिय कंपनी पेटीएमने भागधारक, कर्मचारी आणि माजी कर्मचार्‍यांना दिलासा दिला आहे. कंपनीने शेअर विक्रीसाठी कागदपत्रे सादर करण्याची मुदत 30 जूनपर्यंत वाढविली आहे. अशा परिस्थितीत ज्यांना कंपनीच्या प्रस्तावित प्रारंभिक सार्वजनिक ऑफर (आयपीओ) मध्ये आपले शेअर्स विकायचे आहेत, त्यांना जादा वेळ मिळेल. (Paytm extended the deadline for submission of documents for sale of shares)

पेटीएम ब्रँड अंतर्गत सेवा चालवणारे वन 97 कम्युनिकेशन्स आपला आयपीओ बाजारात आणण्याची योजना आखत आहे, ज्यात विद्यमान भागधारकांना नवीन इक्विटी शेअर्स आणि समभागांची विक्री करण्याची ऑफर देण्यात आली आहे.

काय म्हणाले पेटीएम?

पेटीएमने आपल्या भागधारकांना दिलेल्या नोटीसमध्ये म्हटले आहे की, सध्याच्या परिस्थितीमुळे आमच्या भागधारकांना अतिरिक्त वेळ दिला जात आहे. आता सर्व सामायिक कागदपत्रांवर प्रक्रिया करण्याची आणि ती आमच्याकडे पाठविण्याची शेवटची तारीख वाढविली जात आहे. 22 जून 2021 पासून आता ही अंतिम मुदत 30 जून 2021 पर्यंत वाढविण्यात आली आहे.

कोणाचा, किती शेअर?

पेटीएमच्या प्रमुख भागधारकांमध्ये अलिबाबाचा अँट ग्रुप (29.71 टक्के), सॉफ्टबँक व्हिजन फंड (19.63 टक्के), सैफ पार्टनर्स (18.56 टक्के), विजय शेखर शर्मा (14.67 टक्के) यांचा समावेश आहे. या व्यतिरिक्त एजीएच होल्डिंग, टी रोई प्राइस आणि डिस्कवरी कॅपिटल, बर्कशायर हॅथवे यांचा कंपनीत 10 टक्क्यांपेक्षा कमी हिस्सा आहे.

पेटीएमची नवी योजना

पेटीएमने नवीन इक्विटी जारी करुन 12,000 कोटी रुपये जमा करण्याची योजना आखली आहे. यासाठी 12 जुलैला एक्स्टॉर्डाइनरी जनरल मीटिंगमध्ये (ईजीएम) भागधारकांची मान्यता घ्यावी लागेल. पेटीएमचे संस्थापक आणि व्यवस्थापकीय संचालक विजय शेखर यांना ईजीएममध्ये प्रवर्तक म्हणून घोषित करण्यासाठीही कंपनी मान्यता घेईल.

पेटीएमची कमाई दुप्पट होणार

27 मे रोजी प्रकाशित झालेल्या बर्नस्टेनच्या अहवालानुसार, पेटीएमची कमाई आथिर्क वर्ष 2023 पर्यंत दुप्पट 7,000 कोटींपेक्षा जास्त होऊ शकेल, एकूण किटीच्या 33 टक्के नॉन-पेमेंट सेगमेंटचा वाटा आहे. (Paytm extended the deadline for submission of documents for sale of shares)

SC प्रवर्गातील विद्यार्थ्यांनी 10 वीच्या परीक्षेत 90 टक्के किंवा अधिक गुण मिळवल्यास 2 लाखांचे अनुदान, धनंजय मुंडे यांचा मोठा निर्णयhttps://t.co/PKZHH4NtaL#SC | #BARTI | #DhananjayMunde | #SocialJustice | @dhananjay_munde

— TV9 Marathi (@TV9Marathi) June 24, 2021

इतर बातम्या

मनसेच्या एकमेव आमदाराची भूमिका राज ठाकरेंच्याविरोधात? बघा काय म्हणतात राजू पाटील?

Reliance AGM मध्ये 5G सर्व्हिसची घोषणा, जाणून घ्या किती असेल इंटरनेट स्पीड?