UPSC CAPF 2022 : सैन्यदलात भरती व्हायचंय का ? इच्छुक असाल तर परीक्षेसाठी अर्ज करा, महिलादेखील अर्ज करू शकतात

या जागांसाठी महिला आणि पुरुष दोन्ही अर्ज करू शकतात. अर्ज करणाऱ्या उमेदवारांना एनसीसी प्रमाणपत्र बंधनकारक नाही. पण तुमच्याकडे एनसीसी बी किंवा सी प्रमाणपत्र असेल तर मुलाखत किंवा व्यक्तिमत्त्व चाचणीत त्याचा फायदा होणार.

सैन्यदलात भरती व्हायचंय का ?Image Credit source: Facebook

Rachana Bhondave | Updated on: Apr 20, 2022 | 1:48 PM

नवी दिल्ली : केंद्रीय लोकसेवा आयोगाच्या (UPSC) केंद्रीय सशस्त्र पोलीस दलाच्या असिस्टंट कमांडंट भरती प्रक्रियाचं नोटिफिकेशन जारी करण्यात आलंय. यूपीएससी सीएपीएफ (एसी) 2022 ची परीक्षा 07 ऑगस्ट 2022 रोजी घेण्यात येणार आहे. सीएपीएफ (एसी) चं नोटिफिकेशन (Notification) 2022 upsc.gov.in यूपीएससीच्या वेबसाईटवर पीडीएफ (PDF) स्वरूपात जारी करण्यात आलीये. भारतीय सैन्यदलात भरती व्हायचं असल्यास तुम्ही या परीक्षेसाठी अर्ज करू शकता. या जागांसाठी महिला आणि पुरुष दोन्ही अर्ज करू शकतात. अर्ज करणाऱ्या उमेदवारांना एनसीसी प्रमाणपत्र बंधनकारक नाही. पण तुमच्याकडे एनसीसी बी किंवा सी प्रमाणपत्र असेल तर मुलाखत किंवा व्यक्तिमत्त्व चाचणीत त्याचा फायदा होणार.