सरकारी नोकरीसाठी सुवर्णसंधी! ‘या’ पदासाठी सुरू झाली भरती

जर तुम्ही इंजिनिअरिंग किंवा केमिस्ट्रीमध्ये पदवी घेतली असेल आणि एका प्रतिष्ठित सरकारी नोकरीच्या शोधात असाल, तर तुमच्यासाठी एक मोठी संधी आहे! भारतीय मानक ब्युरो (BIS), जी भारतातील उत्पादनांच्या गुणवत्तेचे आणि मानकांचे नियमन करणारी सर्वोच्च संस्था आहे, त्यांनी Scientist-‘B’ या प्रतिष्ठित पदांसाठी भरती प्रक्रिया सुरू केली आहे. ही नोकरी केवळ चांगला पगारच नाही, तर देशाच्या विकासात योगदान देण्याची संधीही देते.

एकूण जागा आणि विषय

या भरती मोहिमेद्वारे विविध अभियांत्रिकी शाखा आणि रसायनशास्त्र विषयात सायंटिस्ट-बी ची पदे भरली जाणार आहेत. उपलब्ध जागा खालीलप्रमाणे आहेत:

सिव्हिल इंजिनिअरिंग: ८ जागा

कॉम्प्युटर इंजिनिअरिंग: ४ जागा

केमिस्ट्री: २ जागा

इलेक्ट्रिकल इंजिनिअरिंग: २ जागा

इलेक्ट्रॉनिक्स आणि दूरसंचार इंजिनिअरिंग: २ जागा

एनव्हायर्नमेंटल इंजिनिअरिंग: २ जागा

आवश्यक शैक्षणिक पात्रता

BIS मध्ये सायंटिस्ट-‘B’ पदांसाठी अर्ज करण्यासाठी अभियांत्रिकी पदांकरिता संबंधित शाखेत किंवा टेक्नॉलॉजीमध्ये किमान ६०% गुणांसह पदवी आणि २०२३, २०२४ किंवा २०२५ मधील वैध GATE स्कोअर आवश्यक आहे. तर, केमिस्ट्री पदासाठी रसायनशास्त्र विषयात मास्टर डिग्री आणि वैध GATE स्कोअर असणे गरजेचे आहे. SC/ST प्रवर्गातील उमेदवारांना किमान गुणांमध्ये सरकारी नियमांनुसार सवलत मिळेल.

पगार आणि इतर सोयी सुविधा

BIS मध्ये सायंटिस्ट-बी म्हणून निवड झालेल्या उमेदवारांना आकर्षक वेतनश्रेणी दिली जाते. सुरुवातीलाच त्यांना प्रति महिना अंदाजे १,१४,९४५ रुपये पगार मिळू शकतो. या मूळ पगाराव्यतिरिक्त, त्यांना DA, HRA, Travel Allowance आणि इतर अनेक सरकारी Allowances मिळतात. त्यामुळे ही नोकरी आर्थिक दृष्ट्या खूपच फायदेशीर ठरते.

अर्ज प्रक्रिया

इच्छुक आणि पात्र उमेदवार BIS च्या अधिकृत वेबसाइट bis.gov.in वर जाऊन ऑनलाइन (Online) पद्धतीने अर्ज करू शकतात. अर्ज प्रक्रिया ३ मे २०२५ रोजी सुरू झाली असून, अर्ज करण्याची अंतिम तारीख २३ मे २०२५ आहे.

अर्ज करण्यासाठी, BIS च्या अधिकृत वेबसाइट bis.gov.in ला भेट द्या, ‘Career Opportunities’ किंवा ‘Recruitment’ विभागात जा, ‘Recruitment for the post of Scientist-‘B’’ किंवा तत्सम लिंकवर क्लिक करून ‘Click here to Apply Online’ वर जा. नवीन असल्यास नोंदणी करून लॉगिन करा, अर्ज काळजीपूर्वक भरा, आवश्यक कागदपत्रे अपलोड करा, शुल्क भरा आणि अर्ज सबमिट करून प्रिंटआउट घ्या. ही संधी इंजिनिअरिंग आणि केमिस्ट्री पदवीधरांसाठी मौल्यवान आहे, त्यामुळे अंतिम तारखेपूर्वी अर्ज करा.