Kolhapur Loot : लातूरच्या ट्रक चालकाला आजऱ्यात लुटले, हातपाय बांधून जंगलात फेकले, चोरटे ट्रकसह फरार

कोल्हापूर : लातूरच्या ट्रक चालकाला आजऱ्याजवळील जंगलक्षेत्रात चार तरुणांनी लुटल्या (Loot)ची घटना घडली आहे. मध्यरात्री दोन वाजल्याच्या सुमारास आजरा आंबोली रस्त्यावरील जंगल क्षेत्रात ही घटना घडली आहे. लुटल्यानंतर आरोपींनी चालकाला हात पाय बांधून जंगलात फेकले. त्यानंतर ट्रक (Truck) घेऊन फरार (Absconded) झाले. अशोक अर्जुन पवार असे लुटण्यात आलेल्या तरुणाचे नाव आहे. या घटनेमुळे ट्रक चालकला मानसिक धक्का बसला आहे. याप्रकरणी पोलीस आरोपी आणि ट्रकचा शोध घेत आहेत. मात्र अशा घटनांमुळे सुरक्षेचा प्रश्न ऐरणीवर आला आहे.

ट्रक चालकाला बांधून जंगलात फेकले

लातूर येथील अशोक पवार हे आपल्या ताब्यातील भारत बेंज ट्रक घेऊन चालले होते. बोलेरो गाडीतून आलेल्या चार तरुणांनी कणकवलीच्या पुढे येऊन ट्रकच्या पुढे गाडी आडवी लावली. दरवाजा उघड नाहीतर काच फोडणार अशी धमकी दिल्यामुळे त्याने ट्रकचा दरवाजा उघडला. त्यानंतर गाडीतील दोन तरुण ट्रकमध्ये बसले. या तरुणांनी त्याला सावंतवाडीपर्यंत आणले. त्या ठिकाणी त्याच्या ताब्यातील ट्रक काढून घेऊन त्याला बोलेरो गाडीत घातले. तेथून ते आजऱ्याकडे आले. आजऱ्याजवळील जंगलक्षेत्रात हात, पाय, तोंड बांधून त्याला टाकले आणि फरार झाले. रात्रभर पावसात भिजल्याने अशोक भेदरला आहे.

पुणे-बंगलोर महामार्गावर प्रवाशांना लुटणारी टोळी जेरबंद

पुणे-बंगलोर महामार्गावर प्रवाशांना लुटणाऱ्या टोळीला कोल्हापूर पोलिसांनी बुधवारी जेरबंद केले. या टोळीमध्ये चार आरोपींचा समावेश आहे. चौघांकडून 11 गुन्ह्यांची उकल झाली असून अडीच लाखांचा मुद्देमाल जप्त केला आहे. रोहित मोरे, गंगाराम गावडा, अक्षय सोनवणे आणि शुभम सातपुते अशी अटक केलेल्या चौघा आरोपींची नावे आहेत. हे आरोपी चाकू आणि जंबियाचा धाक दाखवून प्रवाशांची लूटमार करत होते. (After robbing the truck driver in Kolhapur, the accused absconded with the truck)