वडील-बायकोच्या प्रेमसंबंधाची कुणकुण, जाब विचारल्याने मुलाची हत्या

पाटणा : आपले वडील आणि बायको यांच्यामध्ये असलेल्या अनैतिक संबंधांची कुणकुण लागल्याने मुलाने जाब विचारला. त्यामुळे चिडलेल्या वडिलांनी पोटच्या मुलाचीच गळा दाबून हत्या केली. त्यानंतर स्वतःच पोलिसात जाऊन पित्याने मुलगा हरवल्याची तक्रारही दिली. बिहारची राजधानी पाटणा येथील कोद्रा भागात नातेसंबंधांची चिरफाड करणारी ही घटना घडली.

नेमकं काय घडलं?

बिहारचा 22 वर्षीय सचिन गुजरातमध्ये नोकरीला होता. तर त्याची पत्नी आणि वडील मिथिलेश रवीदास हे बिहारमधील मूळगावीच राहत होते. सचिन घरात नसताना सासरे-सुनेचं सूत जुळलं. आपल्या वडिलांच्या या उद्योगाची कुणकुण सचिनला लागली आणि तो शाहनिशा करण्यासाठी 7 जुलैला बिहारला आला.

मुलाचं अपहरण झाल्याची खोटी तक्रार

सचिनने आपल्या वडिलांना त्यांच्या अनैतिक संबंधांचा जाब विचारला. त्यावरुन दोघांमध्ये कडाक्याचं भांडण झालं. त्यानंतर पिता मिथिलेशने आपल्याच मुलाची गळा दाबून हत्या केली. त्याचा मृतदेह त्याने पाटण्यातील एका बागेत लपवला. त्यानंतर मिथिलेशने आपला मुलगा सचिन हरवल्याची तक्रार पोलिसात दाखल केली. आपल्या मुलाचं अपहरण झाल्याची शंका व्यक्त करत त्याने पाच संशयितांची नावंही दिली.

पिता मिथिलेश रवीदासला अटक

दोन दिवसांनी पोलिसांना सचिनचा मृतदेह आढळला. तपासादरम्यान पोलिसांना मिथिलेश आणि त्याच्या सूनेतील संबंधांची माहिती मिळाली. पोलिसांनी कसून चौकशी केली असता त्याने हत्येची कबुली दिली. पोलसांनी आरोपी पिता मिथिलेश रवीदास याला अटक केली असून पुढील तपास सुरु आहे.

बीडमध्ये विवाहित नर्सची आत्महत्या 

दुसरीकडे, बीडमध्ये सोनाली जाधव या विवाहित नर्सचा मृतदेह गळफास घेतलेल्या अवस्थेत आढळला. बीड तालुक्यातील मांजरसुंबा घाटात पालीजवळ सोमवारी दुपारी चार वाजताच्या सुमारास ही घटना घडली. मांजरसुंबा घाटातील एका झाडाला ओढणीच्या सहाय्याने गळफास लावलेल्या अवस्थेत हा मृतदेह होता. या घटनेने परिसरात एकच खळबळ उडाली आहे.

संबंधित बातम्या :

विवाहित प्रियकराचा लग्नास नकार, विवाहित नर्सचा ओढणीने गळफास

वयाच्या 20 व्या वर्षी बॉयफ्रेण्डसोबत विषप्राशन, अशी झाली होती अभिनेत्री प्रत्युषाच्या आयुष्याची अखेर

मायलेकीचे एकाच प्रियकराशी प्रेमसंबंध, पाळत ठेवणाऱ्या तरुणाची हत्या

(Bihar Man Murders Son Over Affair With Daughter in Law)