आधी फायरिंग केलं, पोलिसांच्या डोळ्यात मिरची पावडर फेकली, वाँटेड आरोपीला पळवलं

देशाच्या राजधानीमध्ये कायदा सुव्यस्था राखणाऱ्या दिल्ली पोलिसांना गुंडांनी आव्हान दिलं आहे. Delhi Police

प्रातिनिधिक फोटो

Yuvraj Jadhav | Updated on: Mar 25, 2021 | 3:06 PM

नवी दिल्ली: देशाच्या राजधानीमध्ये कायदा सुव्यस्था राखणाऱ्या दिल्ली पोलिसांना गुंडांनी आव्हान दिलं आहे. दिल्लीतील जीटीबी हॉस्पिटलमध्ये गुंडांनी गोळीबार आणि पोलिसांवर मिरची पावडर फेकून कुख्यात आरोपी कुलदीप फज्जाला पळवून नेले. अचानक घडलेल्या या प्रकारामुळे दिल्ली पोलिसांमध्ये खळबळ माजली आहे. या घटनेनंतर पोलिसांनी तपास सुरु केला आहे. मात्र, आरोपींबाबत माहिती मिळालेली नाही. (GTB Hospital Delhi Police was attacked by goons and one most wanted accused run away from police custody)

जीटीबी रुग्णालयात घडला प्रकार

मिळालेल्या माहितीनुसार, आरोपींनी ज्या कुलदीप फज्जाला पोलिसांच्या ताब्यातून पळवून नेले तो मोस्ट वाँटेड आरोपी होता. दिल्ली पोलिसांची टीम त्याला तुरुगांतून आरोग्य तपासणीसाठी जीटीबी रुग्णालयात घेऊन आली होती. पोलीस कुलदीप फज्जाला घेऊन पोहोचताच स्कॉर्पिओ आणि दुचाकीवरुन काही लोक आले. गुंडांनी 12.30 वाजता रुग्णालयात प्रवेश केला आणि पोलिसांच्या पथकाच्या प्रमुखावर मिरची पावडर फेकली. यावेळी निर्माण झालेल्या गोंधळाचा फायदा घेऊन आरोपी कुलदीपला घेऊन पसार झाले.

पोलिसांच्या गोळीबारात एकाचा मृत्यू

पोलिसांनी यावेळी प्रत्युत्तर देताना गोळीबार केला. यामध्ये एका आरोपीचा जागीच मृत्यू झाला. मृत्यू झालेल्या व्यक्तीची ओळख पटलेली नाही. कुलदीप फज्जा जितेंद्र गोगी गँगचा सदस्य असून त्याच्यावर 70 हून अधिक लोकांच्या हत्येप्रकरणी गुन्हे दाखल आहेत.

कुलदीप फज्जा दिल्ली हरियाणामध्ये वाँटेड

पोलिसांच्या ताब्यातून पसार झालेला कुलदीप हा दिल्ली आणि हरियाणा पोलिसांसाठी वाँटेड आहे. दिल्ली पोलिसांनी त्याच्यावर 2 लाखांचं बक्षीस ठेवलं होतं. 2020 मध्ये पोलिसांनी त्याला अटक केली होती. दिल्ली पोलिसांनी सर्व विभागांना या घटेनची माहिती दिली असून तपास करण्यात येत आहे.

जीवाजी विद्यापीठ परिसरात शिक्षक आणि कर्मचारी पाहत होते पॉर्न, 2 महिलांचाही समावेश! https://t.co/nbdahpr7We @CMMadhyaPradesh @DIG_RATLAM_MP #JivajiUniversity #PornSites #MadhyaPradesh

— TV9 Marathi (@TV9Marathi) March 25, 2021