मुंबईत तीन वर्षांच्या चिमुकलीवर अत्याचार, दोघांना 20 वर्षांच्या तुरुंगवासाची शिक्षा

मुंबईत एका चिमुकलीवर लैंगिक अत्याचार करणाऱ्या नराधमांना न्यायालयाने 20 वर्षांची शिक्षा सुनावली आहे.

Nupur Chilkulwar | Updated on: Dec 08, 2020 | 5:05 PM

मुंबई : मुंबईत एका चिमुकलीवर लैंगिक अत्याचार करणाऱ्या नराधमांना न्यायालयाने 20 वर्षांची शिक्षा सुनावली (Mumbai 3 Year Old Girl Raped) आहे. याप्रकरणी दोघांना 20 वर्षांच्या कारावासाची शिक्षा सुनावली आहे. हे दोघंही कॉलेजमध्ये शिकतात, त्यांचं वय 20 वर्ष आहे. यांना पॉस्को न्यायालयाने ही शिक्षा सुनावली आहे (Mumbai 3 Year Old Girl Raped).

‘द टाइम्स ऑफ इंडिया’नुसार, ही घटना 2018 ची आहे. घटनेवेळी मुलीचं वय फक्त तीन वर्ष होतं. या नराधमांपैकी एक हा चिमुकलीच्या शेजारीच राहायचा. त्याने 20 नोव्हेंबर 2018 ला या चिमुकलीवर अत्याचार केला. यादरम्यान दुसरा आरोपी हे सर्व पाहात होता. त्यानंतर त्यानेही मुलीवर अत्याचार केला. तर तिसरा आरोपी जो होता त्यानेही मुलीवर अत्याचार करण्याचा प्रयत्न केला. पण, तिसरा आरोपी हा नाबालिक होता.

खटल्यादरम्यान, मुलगी, तिची आई आणि काका साक्षीदार बनले. ही चिमुकली त्यांना इमारतीतील कॉमन पॅसेजमध्ये अस्वस्थ परिस्थितीत आढळून आल्याचं त्यांनी न्यायालयात सांगितलं. या प्रकरणाच्या सुनावणीदरम्यान, आरोपीने कमी वयाचा दाखलाही दिला होता. पण, न्यायालयाने त्याची विनंती फेटाळून लावली.

“जर आम्ही कमी वयाचा विचार केला तर कुठल्याही आरोपीला दोषी ठरवता येणार नाही, शिक्षा सुनावता येणार नाही. ती चिमुकली आरोपीला दादा म्हणून संबोधित करायची. पण, आरोपीने तिचा विश्वासघात करत तिच्यावर अत्याचार केला”, असं न्यायालयाने म्हटलं.

प्रियकराच्या लग्नामुळे प्रेयसीचा संताप, नववधूचे केस कापले, डोळ्यात फेविक्वीक ओतलंhttps://t.co/GYVEdS0NsI #BiharCrime #CrimeNews

— TV9 Marathi (@TV9Marathi) December 3, 2020