Nagpur Sex Racket : नागपुरात सेक्स रॅकेटचा पर्दाफाश; एका तरुणीची सुटका, आरोपी अटक

नागपूर : परराज्यातील मुलींना पैशाचं आमिष दाखवत त्यांना नागपुरात आणून ओयो हॉटेलमध्ये देह व्यापाऱ्याचा धंदा करणाऱ्या रॅकेट (Racket)चा नागपूर गुन्हे शाखा पोलिसांनी पर्दाफाश (Busted) केला आहे. सदर परिसरात टाकलेल्या धाडीत एका मुलीला सुटका करण्यात आली तर एका आरोपीला अटक (Arrest) करण्यात आली आहे. रोशन डोंगरे असे अटक करण्यात आलेल्या आरोपीचे नाव आहे. आरोपीने याआधी सुद्धा अनेक राज्यातील मुलींना आणून अशाप्रकारे व्यवसाय केल्याचं पुढे येत आहे. ओयो हॉटेल हे अशा लोकांसाठी एक ठिकाण बनलं असल्याचं सुद्धा पुढे येत आहे यावर कडक कारवाई करण्याची गरज आहे.

पोलिसांनी छापा टाकून तरुणीची सुटका केली

परराज्यातील मुलींना पैशाचं आमिष दाखवून आरोपी त्यांना नागपुरात आणायचा. ओयो हॉटेलचा वापर करून ग्राहक शोधत त्यांच्याकडून देह व्यापार करायचा आणि त्यातून पैसे कमवायचा. ओयो हॉटेलमध्ये देहव्यापार सुरू असल्याची पोलिसांना माहिती मिळाली होती. सदर परिसरातील एका हॉटेलमध्ये गुजरातमधील एका मुलीला आणून तिच्याकडून देव व्यापार केला जात असल्याची टीप मिळाल्यानंतर गुन्हे शाखेच्या पथकाने तेथे सापळा रचला आणि त्या हॉटेलवर धाड टाकली. त्या ठिकाणी एक मुलगी आढळून आली, तिची पोलिसांकडून सुटका करण्यात आली. तर आरोपी रोशन डोंगरे याला पोलिसांनी अटक केली.

याआधी पुण्यातही सेक्स रॅकेटची घटना उघडकीस

पुण्यातील सिंहगड परिसरातून सेक्स रॅकेटची घटना काही दिवसांपूर्वी उघडकीस आली. दोन तरुणींनी सेक्स सर्व्हिसचे आमिष दाखवत एका इसमाला ब्लॅकमेल करुन 18 लाख रुपये उकळले. मात्र तरुणींकडून आणखी पैशाची मागणी होऊ लागल्याने पीडित व्यक्तीने सिंहगड पोलीस ठाण्यात तक्रार दाखल केली. तक्रारीनंतर पोलिसांनी सेक्स रॅकेटचा पर्दाफाश करत सहा महिलांना अटक केली. (Sex racket busted in Nagpur; A young girl was released, the accused arrested)

हे सुद्धा वाचा