‘माझ्या नादी लागाल, तर करीन 302’ म्हणणारी अखेर अटकेत! सोशल मीडियावरची गुंडगिरी भोवली

पिंपरी : पिंपरी- शहरात अल्पवयीन गुन्हेगारांचे प्रमाण दिवसेंदिवस वाढत आहे. सोशल मीडियाच्या (Social Media) माध्यमातून अनेकदा शस्त्रांसोबत फोटो व्हिडीओ शेअर करता धमकी देण्याचे अनेक प्रकार उघडकीस आले आहेत. आता या अल्पवयीन गुन्हेगारांमध्ये मुलीही मागे नसल्याचे दिसून आलं होतं. अखेर पोलिसांनी याचप्रकरणातील अल्पवयीन तरुणींना अटक (Minor girl arrested) केली आहे. पिंपरी चिंचवडमध्ये असाच एका अल्पवयीन तरुणीचा व्हिडिओ सोशल मीडियावर व्हायरल झाला होता. यात एक सतरा वर्षांची मुलगी प्रत्येक व्हिडीओत शिवीगाळ करताना दिसली होती. वादग्रस्त वक्तव्य करणाऱ्या या तरुणीला अखेर पोलिसांनी ताब्यात घेतलं असून तिच्यावर कारवाई करण्यात आली आहे. वाड पोलिसांनी याप्रकरणी कारवाई केली असून आता या मुलींची पोलिसांकडून चौकशी केली जाते आहे.

काय होतं व्हिडीओमध्ये?

अल्पवयीन मुलीने शेअर केलेल्या या व्हिडीओमध्ये ती अगदी सराईत गुंडाप्रमाणे गुंडगिरीची भाषा बोलताना दिसून आली होती. आपल्या सोशल मीडिया अकाऊंटवरून अल्पवयीन तरुणीनं आपल्या गुंडगिरीचे व्हिडीओ अपलोड केले होते. या व्हिडिओत अल्पवयीन तरुणींनी धक्कादायक वक्तव्य केली होती. ‘कुठला डॉन? आणि कुठला कोण? माझ्या नादी लागाल तर करील 302’ असं या मुलीनं म्हटलं होतं.

चौकशी सुरु

पोलिसांकडून खूनाच्या प्रकरणातील आरोपींवर 302 हे कलम लावले जाते. या तरुणीने व्हिडीओ बनवून तो सोशल मीडियात पोस्ट केला होता. एवढ्यावरच न थांबता तरुणीने शब्दाने शब्द वाढत असल्याने शिव्या न देता हाणामारी करून भांडणे सोडवायची असाही सल्ला आपल्या व्हिडिओच्या माध्यमातून दिला होता. या प्रकारच्या व्हिडीओमुळे शहरातील गुन्हेगारी कोणत्या स्तरापर्यंत जाऊन पोहचलीये, असाही गंभीर प्रश्न अधोरेखित झालाय. इतकंच काय तर पालकांचीही चिंता सोशल मीडियाचा गैरवापर करणाऱ्यांनी वाढवली आहे. दरम्यान, अटक करण्यात आलेल्या अल्पवयीनं तरुणीच्या चौकशीतून नेमकं काय समोर येतं, हे पाहणं महत्त्वाचं आहे.

संबंधित बातम्या :

पिंपरी चिंचवडमधील तरुणाला मारहाण प्रकरण; पोलिसांनी भररस्त्यात काढली आरोपींची धिंड

पेण पोलिसांच्या ताब्यातून हाफ मर्डरचा आरोपी पसार, पोलिसांच्या कार्यप्रणालीवर प्रश्नचिन्ह

हैवानतेचा कळस! नराधम बापासह भावाचाही बलात्कार! आईची डोळेझाक, कल्याणमधील हादरवणारी घटना