Pune Crime : भोर उपजिल्हा रुग्णालयातील वैद्यकीय अधिकारी अमित सरदेसाईंवर गुन्हा दाखल
या सोनोग्राफी सेंटर बाबतचा अवहाल वैद्यकीय अधीक्षकांना पाठवायचा असतो. मात्र तक्रारदाराच्या सोनोग्राफी सेंटरचा अनियमितेचा अहवाल न पाठविण्यासाठी अमित सरदेसाईंनी तक्रारदाराकडे 10 हजार रुपयांची मागणी केली. ही रक्कम तडजोडीनंतर पाच हजार ठरली.
पुणे : पुण्यातील भोरमध्ये सोनोग्राफी सेंटर (Sonography Center)चा अनियमितता अहवाल देण्यासाठी डॉक्टरकडून लाच घेतल्याने, भोर उपजिल्हा रुग्णालयाचे वैद्यकीय अधीक्षक (Medical Officer) अमित सरदेसाई यांच्यावर लाचलुचपत प्रतिबंधक विभागाच्या अंतर्गत गुन्हा दाखल करण्यात आला आहे. तक्रारदाराकडून 5 हजाराची लाच घेतल्यानंतर लाचलुचपत खात्याच्या अधिकाऱ्यांकडून ही कारवाई करण्यात आली आहे. या प्रकरणातील तक्रारदार भोरमध्ये वैद्यकीय व्यवसाय करतात. त्यांच्या रुग्णालयातील सोनोग्राफी सेंटरची तपासणी भोर उपजिल्हा रुग्णालयाचे वैद्यकीय अधीक्षक करत असतात. (Case filed against Amit Sardesai, Medical Officer, Bhor Sub-District Hospital)
5 हजाराची लाच स्विकारताना रंगेङाथ पकडले
या सोनोग्राफी सेंटर बाबतचा अवहाल वैद्यकीय अधीक्षकांना पाठवायचा असतो. मात्र तक्रारदाराच्या सोनोग्राफी सेंटरचा अनियमितेचा अहवाल न पाठविण्यासाठी अमित सरदेसाईंनी तक्रारदाराकडे 10 हजार रुपयांची मागणी केली. ही रक्कम तडजोडीनंतर पाच हजार ठरली. याची तक्रार संबंधिताने लाचलुचपत विभागाकडे केली. तक्राराने दिलेली 5 हजाराची रक्कम वैद्यकीय अधीक्षकांनी स्विकारल्याचे निदर्शनास आल्यानंतर त्यांच्यावर गुन्हा दाखल करण्यात आला. लाचलुचपत प्रतिबंधक खात्याचे पुणे विभागाचे पोलीस निरीक्षक श्रीराम शिंदे या संबंधी पुढील तपास करत आहेत.
सोलापूरमध्ये सहाय्यक पोलिस निरीक्षक लाचलुचपत विभागाच्या जाळ्यात
सोलापूर शहर पोलिस दलातील एका सहाय्यक पोलिस निरीक्षकाला लाचलुचपत प्रतिबंधक विभागाने ताब्यात घेतलं आहे. गुन्ह्यात आरोपी न करण्यासाठी एक लाख रुपयांच्या लाचेची मागणी केल्याचा आरोप या सहायक पोलीस निरीक्षकावर आहे. दिनेश श्रीकांत कुलकर्णी असे लाचेची मागणी करणाऱ्या सहाय्यक पोलिस निरीक्षकाचे नाव आहे. या संदर्भात तक्रारदाराने सोलापूर लाचलुचपत प्रतिबंधक विभागाकडे तक्रार दिली होती. त्यानुसार सापळा रचून कुलकर्णी याच्यावर कारवाई करण्यात आली.
तक्रारदाराच्या विरोधात सोलापुरातल्या जोडभावी पोलीस ठाण्यामध्ये गुन्हा दाखल असून त्याचा तपास सहाय्यक पोलीस निरीक्षक कुलकर्णी हे करत होते. या गुन्ह्यात तक्रारदार यांच्या नातेवाईकाला देखील आरोपी करणार असल्याचे त्यांनी सांगितले. जर नातेवाईकांना या गुन्ह्यात आरोपी करू नये असे वाटत असेल तर एक लाख रुपये द्यावे अशी मागणी सपोनि कुलकर्णी यांनी केली होती. तडजोडीअंती 50 हजार रुपये घेण्याचे ठरले होते. (Case filed against Amit Sardesai, Medical Officer, Bhor Sub-District Hospital)
इतर बातम्या
Solapur Crime : सोलापूरमध्ये सहाय्यक पोलिस निरीक्षक लाचलुचपत विभागाच्या जाळ्यात
Law and Order : पोलीस स्टेशनमधलं सगळ्यात मोठं पद कोणतं असतं माहीत आहे? चला जाणून घेऊया!
