Palghar Accident : पालघरमध्ये कार आणि ट्रकचा भीषण अपघात, कार चालकाचा मृत्यू
मयत शिक्षक देवकाते हे जालन्याहून पालघरमध्ये आपल्या भावाला भेटण्यासाठी कुटुंबासह आले होते. देवकाते यांचा भाऊ पालघर येथे नगर रचना विभागात काम करतो. भावाला भेटण्यासाठी देवकाते एकटेच आपली कार घेऊन माहिम येथे गेले होते. भावाला भेटून पालघरला परतत असतानाच पानेरी जवळ त्यांची कार समोरुन येणाऱ्या ट्रकवर आदळली.
पालघर/ मोहम्मद हुसैन (प्रतिनिधी) : पालघर माहिम रोडवर कार आणि ट्रकमध्ये झालेल्या भीषण अपघाता (Accident)त कार चालकाचा जागीच मृत्यू (Death) झाल्याची दुर्दैवी घटना घडली आहे. अपघात एवढा भयानक होता की कारचा चक्काचूर झाला आहे. गंगाधर देवकाते (42) असे अपघातात ठार झालेल्या कार चालका (Car Driver)चे नाव आहे. सदर कार माहिमहून पालघरच्या दिशेने चालली होती. माहिम रोडवर पानेरीजवळ समोरुन येणाऱ्या ट्रकवर कार आदळली. अपघाताची नोंद सातपाटी सागरी पोलीस अंतर्गत माहिम पोलीस चौकीत करण्यात आली आहे. मयत कार चालक जालना जिल्हा परिषदेतील शाळेत शिक्षक आहेत. (Car and truck crash in Palghar, car driver killed)
मयत शिक्षक देवकाते हे सोमवारी जालन्याहून पालघरमध्ये आपल्या भावाकडे कुटुंबासह आले होते. देवकाते यांचा भाऊ पालघर येथे नगर रचना विभागात काम करतो. देवकाते एकटेच आपली कार घेऊन माहिमच्या दिशेने पालघरला परतत असतानाच पानेरी जवळ त्यांची कार समोरुन येणाऱ्या ट्रकवर आदळली. स्थानिकांनी तात्काळ त्यांना पालघर ग्रामीण रुग्णालयात दाखल केले. मात्र डॉक्टरांनी त्यांना मृत घोषित केले. यावेळी देवकाते यांच्या कुटुंबीयांनी एकच टाहो फोडला.
नांदेडमध्ये गाडीवरील ताबा सुटल्याने कार डिव्हाईडरला धडकली
नांदेडमध्ये मध्यरात्री एका कार चालकाचा ताबा सुटल्याने कार रस्त्याच्या डिव्हाईडरला धडकली. यात कारमधील तिघे जण जखमी झाले आहेत. नांदेड शहरातील विद्यानगर भागात रात्री 12 वाजण्याच्या सुमारास हा अपघात घडला. पोलीस आणि स्थानिकांच्या मदतीने यातील जखमींना रुग्णालयात दाखल करण्यात आलंय. या अपघातात कारचे मोठे नुकसान झाले आहे.
पुणे-महाड मार्गावरील वरंधा घाटात दुचाकीसह दोघं दरीत
पुणे-महाड मार्गावरील वरंधा घाटात नागमोडी वळणाचा अंदाज न आल्याने, दुचाकी 60 फूट दरीत कोसळून अपघात झाला आहे. सुदैवाने या अपघात कोणतीही जीवितहानी झालेली नाही. मात्र यात दोघा दुचाकीस्वारांना किरकोळ दुखापत झाली. याशिवाय दुचाकीचेही नुकसान झाले आहे. हे दोघेही तरुण पुण्यातील अप्परमधील राहणारे आहेत. भोईराज जल आपत्ती टीम आणि स्थानिक गावकऱ्यांच्या मदतीने दुचाकीसह दोघांना दरीतून वर काढण्यात आले. (Car and truck crash in Palghar, car driver killed)
इतर बातम्या
Suicide | महिला दिनाच्या पूर्वसंध्येला संतापजनक घटना! सासरच्या जाचाला कंटाळून महिलेची आत्महत्या
