GST Fraud : जीएसटी चुकवल्याप्रकरणी ठाण्यातील कंपनीच्या तीन पार्टनर्सना अटक, एकूण 78 कोटींच्या अफरातफरीचा आरोप

वैजंता गोगावले, Tv9 मराठी

Updated on: Aug 08, 2022 | 9:21 PM

ही कारवाई म्हणजे सीजीएसटी मुंबई क्षेत्राने कर चुकवेगिरी आणि बनावट आयटीसी जाळ्याविरोधात सुरू केलेल्या विशेष मोहिमेचा एक भाग आहे. आतापर्यंत सीजीएसटी भिवंडी आयुक्तालयाने गेल्या वर्षभरात 14 जणांना अटक केली आहे.

GST Fraud : जीएसटी चुकवल्याप्रकरणी ठाण्यातील कंपनीच्या तीन पार्टनर्सना अटक, एकूण 78 कोटींच्या अफरातफरीचा आरोप
जीएसटी चुकवल्याप्रकरणी ठाण्यातील एका कंपनीच्या तीन पार्टनर्सना अटक
Image Credit source: सोशल मीडिया

ठाणे : वस्तू आणि सेवा कर (जीएसटी) चुकवल्याप्रकरणी आणि एकूण 78 कोटी रुपयांचे इनपुट टॅक्स क्रेडिट (आयटीसी) फसवणूक (Fraud) केल्याप्रकरणी ठाणे जिल्ह्यातील एका फर्मच्या तीन पार्टनर्सना रविवारी अटक (Arrest) केले आहे. मुंबई क्षेत्रातील सीजीएसटी अर्थात केंद्रीय वस्तू आणि सेवा कराच्या भिवंडी आयुक्तालयाने गुप्त माहितीच्या आधारे मे. एएस अॅग्री अँड अॅक्वा एलएलपी विरुद्ध ही कारवाई केली. या फर्मची स्थापना केलेल्या तीन भागीदारांना सीजीएसटी कायदा (GST Law), 2017 च्या कलम 132 चे उल्लंघन केल्याबद्दल रविवारी तपासादरम्यान गोळा केलेल्या सबळ पुराव्यांच्या आधारे सीजीएसटी कायदा, 2017 च्या कलम 69 अंतर्गत ही कारवाई करण्यात आली. तिघांनाही 12 ऑगस्टपर्यंत न्यायालयीन कोठडीत पाठवण्यात आले आहे.

सीजीएसटी भिवंडी आयुक्तालयाकडून गेल्या वर्षभरात 14 जणांना अटक

या फर्मने पॉली हाऊसच्या बांधकामासाठी कार्य अनुबंध सेवेच्या प्राप्तकर्त्यांकडून प्राप्त 292 कोटी रुपयांच्या आगाऊ देय रकमेवर, 53 कोटी रुपयांचा जीएसटी भरलेला नाही. जो सीजीएसटी कायदा, 2017 च्या कलम 13(2)(b) अंतर्गत करपात्र आहे. याशिवाय, या फर्मने सीजीएसटी कायदा, 2017 च्या कलम 17(5)(c) च्या तरतुदींनुसार उपलब्ध नसलेल्या स्थावर मालमत्तेच्या बांधकामासाठी कार्य अनुबंध सेवेवर फसवणूक करून 25 कोटी रुपयांच्या आयटीसीचा लाभ घेतला आहे. ही कारवाई म्हणजे सीजीएसटी मुंबई क्षेत्राने कर चुकवेगिरी आणि बनावट आयटीसी जाळ्याविरोधात सुरू केलेल्या विशेष मोहिमेचा एक भाग आहे. आतापर्यंत सीजीएसटी भिवंडी आयुक्तालयाने गेल्या वर्षभरात 14 जणांना अटक केली आहे. सीजीएसटी अधिकारी संभाव्य फसवणूक करणार्‍यांना ओळखण्यासाठी आणि त्यांचा शोध घेण्यासाठी डेटा विश्लेषण आणि नेटवर्क विश्लेषण साधने वापरत आहेत. करचोरी करणाऱ्यांविरुद्धची ही मोहीम सीजीएसटी अधिकारी येत्या काही दिवसात अधिक तीव्र करणार आहेत. (Three partners of a company in Thane arrested for evasion of GST)

हे सुद्धा वाचा


Non Stop LIVE Update

Follow us on

Related Stories

Most Read Stories

Click on your DTH Provider to Add TV9 MARATHI