वैतरणा नदीच्या काठावर सेल्फी घेत होत्या, तोल गेला अन्…

विजय गायकवाड, TV9 मराठी, विरार : फोटो काढण्याच्या नादात तोल जाऊन वैतरणा नदीत दोन मुली बुडाल्याची (Two Girls Drowned in Vaitarana River) घटना आज घडली आहे. वैतरणा फणसपाडा जेट्टीवर (Vaitarana Phanaswada Jetty) आज सायंकाळी 5 वाजण्याच्या सुमारास ही घटना घडली आहे. एकीचा मृतदेह सापडला असून दुसरी अद्याप बेपत्ता (Missing) आहे. विरार पोलीस आणि वसई विरार महापालिकेच्या अग्निशमन दलाकडून रात्रीही शोधकार्य सुरूच आहे.

चार मैत्रिणी जेट्टीवर फिरायला गेल्या होत्या

चार मैत्रिणींचा ग्रुप शनिवारी वैतरणा फणसवाडा जेट्टीवर फिरायला गेला होता. जेट्टीवर फोटो, सेल्फी फोटो काढत असताना एकीचा तोल गेला. तिला वाचविण्यासाठी सोबतच्या तीन जणी गेल्या. यात दोघी बुडाल्या तर दोघी सुखरूप बाहेर निघाल्या आहेत.

एकीचा मृतदेह सापडला, दुसरीचा शोध सुरु

मृतांपैकी एक अल्पवयीन मुलगी आहे. लीला दस आना असे बुडालेल्या 24 वर्षीय मुलीचे नाव आहे. तर 15 वर्षाची अन्य मुलगीही बुडाली आहे. अल्पवयीन मुलीचा मृतदेह मिळाला असून लीलाचे शोधकार्य सुरू आहे.

हे सुद्धा वाचा

भरधावची कारची स्कूटीला धडक, काही फूट हवेत उडाले कुटुंब; अपघाताचा थरार सीसीटीव्हीत कैद

…म्हणून शाळेतील मॅडमने इतकी भयानक शिक्षा की पोराची किडनी सुजली

केवळ शिवीगाळ करणे म्हणजे अश्लील कृत्य नव्हे; सुप्रीम कोर्ट नेमके असे का म्हणाले?

या घटनेची माहिती मिळताच स्थानिक रहिवासी, विरार, मांडवी पोलीस, वसई विरार महापालिका अग्निशमन दलाचे जवान घटनास्थळी दाखल झाले. अग्नीशमन दलाने तात्काळ शोधकार्य सुरु केले.

अंधारामुळे शोधकार्यात अडचणी

यावेळी एका मुलीचा मृतदेह मिळाला पण एक मुलगी बेपत्ताच आहे. रात्री उशिरापर्यंत बेपत्ता मुलीचा शोध घेणे सुरूच आहे. मात्र रात्रीच्या अंधारात शोध घेण्यास अडथळा निर्माण होत असल्याने तिचा शोध लागला नसल्याचे प्रशासनाकडून सांगण्यात आले आहे.