आधी चोरीचा कट रचला, स्वत:च्या घरातील महिलांच्या गळ्याला चाकू लावला, नंतर पोलिसातही धाव, नाटकी महिलेचा भांडाफोड

प्रियकराच्या मदतीसाठी स्वत:च्याच घरात चोरीचा प्रकार घडवल्याचा आश्चर्यजनक आणि विचित्र प्रकार बारामतीत उघड झालाय (Woman plots theft in her own house to help boyfriend in Baramati).

आधी चोरीचा कट रचला, स्वत:च्या घरातील महिलांच्या गळ्याला चाकू लावला, नंतर पोलिसातही धाव, नाटकी महिलेचा भांडाफोड

बारामती (पुणे) : प्रियकराच्या मदतीसाठी स्वत:च्याच घरात चोरीचा प्रकार घडवल्याचा आश्चर्यजनक आणि विचित्र प्रकार बारामतीत उघड झालाय. बारामती शहरातील फलटण रस्त्यावर गॅरेज चालकाची पत्नी आणि सून यांच्या गळ्याला चाकू लावून आठ लाखांचा मुद्देमाल दोन अज्ञात चोरांनी चोरुन नेल्याची घटना घडली. यामध्ये साडे सहा लाखांची रोकड आणि दीड लाखांच्या दागिन्यांचा समावेश होता. घरातील एका महिलेने आपल्या प्रियकराच्या मदतीसाठी हे कटकारस्थान रचलं त्यानंतर ती स्वत:हून पोलिसात तक्रारीसाठी गेली. विशेष म्हणजे घटना घडल्यानंतर अवघ्या तीनच तासात बारामती पोलिसांनी या चोरीचा तपास लावला (Woman plots theft in her own house to help boyfriend in Baramati).

नेमकं प्रकरण काय?

बारामतीतील फलटण रस्त्यावर रविवारी (14 मार्च) सासू आणि सुनेच्या गळ्याला चाकू लाऊन साडेसहा लाख रुपये रोख आणि दीड लाख रुपये किमतीचे सोने चोरुन नेल्याचा प्रकार घडला. याबाबत एका महिलेने फिर्याद दाखल झाल्यानंतर पोलिसांनी तपास सुरु केला. त्यामध्ये लखन गोपाळ भोसले (वय ३०, रा. निरावागज, ता. बारामती) यानं हा प्रकार केल्याचं निष्पन्न झालंय.

पोलीस काय कारवाई करणार?

विशेष म्हणजे, संबंधित फिर्यादी महिलेनंच आर्थिकदृष्ट्या अडचणीत आलेल्या प्रियकरासाठी स्वत:च्याच घरी चोरी घडवल्याचं उघड झालं आहे. या प्रकरणी आता पोलिसांनी फिर्यादीच्या विरोधात न्यायालयात तक्रार दाखल करण्याची तयारी सुरु केलीय.

प्रेमासाठी कायपण, अशी एक म्हण आहे. बारामतीत काल घडलेल्या या प्रकारानं या म्हणीचा प्रत्यय पोलिसांना आला. मात्र या प्रकारामुळं पोलिसांची चांगलीच धावपळ झाली (Woman plots theft in her own house to help boyfriend in Baramati).

हेही वाचा ; Mumbai Pune Corona Report : मुंबई, पुण्यात रुग्णसंख्येत दिवसेंदिवस वाढ, लॉकडाऊन नको असेल तर काळजी घ्या! 

Click on your DTH Provider to Add TV9 MARATHI