Assembly Election Result 2021: ना तामिळनाडू… ना केरळात ताकद वाढली… भाजपची दक्षिणेवरील स्वारी नाहीच
केरळ आणि तामिळनाडूत भाजपला पाहिजे तसं यश मिळालेलं नाही. (why bjp not won in Tamil Nadu, Kerala Assembly elections?, read)
चेन्नई: केरळ आणि तामिळनाडूत भाजपला पाहिजे तसं यश मिळालेलं नाही. पश्चिम बंगालमध्ये भरघोस यश मिळालं आहे. परंतु, सत्ता मिळवण्यात भाजपला यश आलं नाही. तर आसाममध्ये सत्ता राखण्यात भाजपला यश मिळालं आहे. नाही म्हणायला पुद्दुचेरीमध्ये भाजपला सत्ता परिवर्तन करण्यात यश मिळालं आहे. एकंदरीत भाजपला सध्या तरी दक्षिणेकडील राज्यांमध्ये आपला जम बसवण्यात यश आलेलं नसल्याचं आजच्या निकालावरून दिसून आलं आहे. (why bjp not won in Tamil Nadu, Kerala Assembly elections?, read)
तामिळनाडूत एकूण 234 जागा आहेत. या ठिकाणी थेट एआयएडीएमके आणि डीएमकेमध्ये मुख्य लढत होती. या निवडणुकीत डीएमकेने 142 जागांवर तर एआयएडीएमकेने 88 जागांवर आघाडी घेतली आहे. भाजपने एआयएडीएमकेसोबत युती केली होती. मात्र, या युतीत भाजपच्या वाट्याला दोन जागा येण्याची चिन्हे दिसत आहेत. सत्ताधारी पक्षाशी युती करूनही तामिळनाडूत भाजपला फारसं यश मिळताना दिसत नसल्याने दक्षिणेतील या राज्यातही भाजपला हातपाय पसरणं शक्य नसल्याचं दिसून आलं आहे.
श्रीधरन आले, पण उपयोक काय?
दक्षिण भारतातील केरळवरही भाजपने गेल्या दोन वर्षांपासून फोकस केला होता. त्यांनी मेट्रोमॅन ई. श्रीधरन यांना निवडणुकीच्या रिंगणात उतरवून मुख्यमंत्रीपदाचे उमदेवार म्हणूनही घोषित केलं होतं. गेल्या निवडणुकीत भाजपला केरळमध्ये केवळ 12 टक्के मते मिळाली होती आणि त्यांची एकच सीट निवडून आली होती. यावेळीही भाजपची हीच स्थिती दिसत आहे. भाजपचे श्रीधरनच आघाडीवर असल्याचं दिसून येत आहे.
सबरीमाला मंदिराला पाठिंबा
भाजपने केरळातील सबरीमाला मंदिराची बाजू घेतली होती. लव्ह जिहाद रोखण्यासाठी कायदा करण्याची घोषणाही भाजपने केली होती. तसेच गोमांसच्या मुद्द्यावर भाजपने मौन साधलं होतं. मात्र, तरीही केरळच्या नागरिकांनी भाजपला नाकारल्याचं दिसून आलं आहे. या निवडणुकीत एलडीएफ 93 तर काँग्रेस आघाडीच्या यूडीएफने 43 जागांवर आघाडी घेतली आहे.
केवळ कर्नाटकात सत्ता
दक्षिणेत भाजपची केवळ कर्नाटकात सत्ता आहे. कर्नाटक आणि तेलंगना सोडता दक्षिणेतील इतर राज्यात भाजपचं नमोनिशान नाहीये. आता तामिळनाडू आणि केरळच्या निवडणुकीतूनही त्यांच्या पदरी अपयश आलं आहे. (why bjp not won in Tamil Nadu, Kerala Assembly elections?, read)
VIDEO : Election Results 2021 Live : तृणमूलला बहुमतासाठी 7 जागांची गरज#Pandharpurbyelections #PandharpurElectionResults #AssemblyElections2021 #TamilNaduElections2021 #WestBengalElections2021 #AssamPolls2021 #Keralaelections #PuducherryElections2021 pic.twitter.com/vQEQEPw4Es
— TV9 Marathi (@TV9Marathi) May 2, 2021
संबंधित बातम्या:
उद्धव ठाकरेंकडून ममता बॅनर्जींचा वाघिणी म्हणून उल्लेख, निवडणूक जिंकल्याबद्दल अनोख्या शब्दात शुभेच्छा
(why bjp not won in Tamil Nadu, Kerala Assembly elections?, read)
