राखीचा जीवनमरणाचा संघर्ष, हे नाटक नाही, खरोखरच तब्येत गंभीर; अत्यंत जवळच्या व्यक्तीचा दावा

राखी सावंत हे कायमच चर्चेत असणारे एक नाव आहे. राखी सावंतची सोशल मीडियावर जबरदस्त अशी फॅन फॉलोइंग बघायला मिळते. राखी सावंत हिने काही दिवसांपूर्वीच आदिल दुर्रानी नावाच्या व्यक्तीसोबत लग्न केले. हेच नाही तर अचानक आपण लग्न केल्याचे राखी सावंत हिच्याकडून सांगण्यात आले. आदिलसोबतच्या लग्नानंतर राखी सावंतने इस्लाम देखील स्वीकारला. लग्नाला काही दिवस पूर्ण होताच पतीवर अत्यंत गंभीर आरोप करताना राखी सावंत ही दिसली. आदिल दुर्रानी याला काही दिवस जेलमध्ये राहण्याची वेळही आली. आदिलनेही राखीवर बरेच आरोप केले.

सध्या सोशल मीडियावर राखी सावंत हिचे काही फोटो तूफान व्हायरल होताना दिसत आहेत. या फोटोंमध्ये रूग्णालयातील बेडवर बेशुद्ध पडलेली राखी सावंत दिसत आहे. सुरूवातीला हे फोटो पाहून लोकांना मोठा धक्का बसला. मात्र, राखी सावंत हे नाटक करत असल्याचे अनेकांचे म्हणणे आले. मात्र, आता नुकताच राखी सावंतच्या जवळच्या व्यक्तीने अत्यंत मोठा खुलासा केलाय.

राखी सावंत हिचा एक्स पती रितेश याने म्हटले की, राखी सावंत कोणतेही नाटक करत नाहीये. तिची तब्येत खरोखरच अत्यंत गंभीर आहे. मागील दोन ते तीन दिवसांपासून तिच्या छातीमध्ये त्रास होता. त्यानंतर त्रास वाढल्याने तिला रूग्णालयात घेऊन जात असताना ती बेशुद्ध पडली. आता राखी सावंतवर रूग्णालयात उपचार सुरू आहेत.

राखी सावंत हिच्या आयुष्यात बऱ्याच काही गोष्टी सुरू आहेत. यामुळे राखी टेन्शनमध्ये होती. जर राखी हे सर्व नाटक करत असती तर मी तिच्यासोबत कधीच नसतो. नेमके काय सुरू आहे, हे सांगण्यासाठी मी आता पुढे आलोय. तिच्या मॅनेजरच्या रूपामध्ये मला ही माहिती सांगावी लागत आहे. कारण बऱ्याच गोष्टी अत्यंत गंभीर आहेत.

पुढे रितेश म्हणाला की, या प्रसंगी मी राखी सावंत हिच्यासोबत आहे. राखी सावंतची तब्येत नाजूक असल्याचेही रितेशने सांगितले. हेच नाही तर राखीसाठी देवाकडे प्रार्थना करण्याची देखील विनंती रितेश याने केलीये. राखी सावंत हिच्या बऱ्याच टेस्ट होणे देखील अजून शिल्लक आहे. मात्र, राखी सावंत हिच्यावर नेमक्या कोणत्या रूग्णालयात उपचार सुरू आहेत, हे अजूनही कळू शकले नाहीये.