AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

बॉबी देओलसोबत इंटिमेट सीन शूट करून मराठमोळी अभिनेत्री अस्वस्थ; बोलणं झालं बंद, कसं सुधारलं नातं?

'आश्रम' या गाजलेल्या वेब सीरिजमध्ये पम्मीची भूमिका साकारून घराघरात पोहोचलेली अभिनेत्री अदिती पोहणकर नुकत्याच दिलेल्या एका मुलाखतीत त्यातील इंटिमेट सीन्सबद्दल मोकळेपणे व्यक्त झाली.

बॉबी देओलसोबत इंटिमेट सीन शूट करून मराठमोळी अभिनेत्री अस्वस्थ; बोलणं झालं बंद, कसं सुधारलं नातं?
अदिती पोहणकर, बॉबी देओलImage Credit source: Instagram
| Updated on: Apr 10, 2025 | 9:22 AM
Share

मराठमोळ्या अदिती पोहणकरने ‘आश्रम’ या वेब सीरिजमध्ये जबरदस्त भूमिका साकारली आहे. नुकत्याच दिलेल्या एका मुलाखतीत ती या सीरिजमधील अभिनेता बॉबी देओलसोबतच्या इंटिमेट सीन्सबद्दल मोकळेपणे व्यक्त झाली. असे सीन्स ऑनस्क्रीन अत्यंत सहजरित्या दाखवण्यासाठी एकमेकांवरील विश्वास आणि कम्फर्ट या गोष्टी खूप महत्त्वाच्या असल्याचं ती म्हणाली. या सीरिजमध्ये तिने पम्मीची भूमिका साकारली आहे. ‘आश्रम’चे तिन्ही सिझन तुफान गाजले. ‘इंडिया टुडे डिजिटल’ला दिलेल्या मुलाखतीत अदितीने इंटिमेट सीन्सच्या विविध भावनिक आणि मानसिक थरांचा उलगडा केला.

“इंटिमेट सीन्स शूट करणं खूप कठीण”

“इंटिमेट सीन्स शूट करणं खूप कठीण असतं कारण त्यासाठी दोन्ही कलाकार एकमेकांसोबत कम्फर्टेबल असावे लागतात. इम्तियाज सरांनी मला एकदा सांगितलं होतं की अनेकदा अशा सीन्सच्या शूटिंगदरम्यान पुरुष अतिउत्तेजित होतात. त्यामुळे तुमच्या सहकलाकाराची काळजी घेणं खूप महत्त्वाचं असतं. तुम्हाला सतत विचारावं लागतं की, काही झालंय का? तू ठीक आहेस का? समोरची व्यक्ती सुरक्षित आहे का याची खात्री करावी लागते. अशा पद्धतीने आम्ही ‘शी’ आणि ‘आश्रम’मधील सीन्स शूट केले आहेत”, असं अदिती म्हणाली.

बॉबी देओलसोबत कसं शूटिंग केलं?

याविषयी तिने पुढे सांगितलं, “आश्रमच्या वेळी आमची मैत्री खूप घट्ट होती. उदाहरण द्यायचं झाल्यास, जर एखादा सीन चांगला शूट झाला नाही आणि दिग्दर्शकाने कट म्हटलं तर एकसंधपणा येण्यासाठी आम्हाला आमची पोझिशन बदलता यायची नाही. मग अशा क्षणांदरम्यान आम्ही एकमेकांची विचारपूस करायचो.” विशेष म्हणजे अशा सीन्सच्या शूटिंगच्या वेळी सेटवर इंटिमसी को-ऑर्डिनेटर्सपण नव्हते. सध्या कोणत्याही चित्रपटात किंवा वेब सीरिजमध्ये किंवा मालिकेत इंटिमेट सीन्स शूट करायचे असतात, तेव्हा सेटवर आवर्जून इंटिमसी को-ऑर्डिनेटर उपस्थित असतो.

“अशी कोणती व्यक्ती असते किंवा अशी एखादी संकल्पना आहे, हे मला त्यावेळी माहीतसुद्धा नव्हतं. पण मला खरंच असं वाटतं की दोन कलाकारांमध्ये जितकी कमी बाँडिंग असते, तितके ऑनस्क्रीन ते संकोचल्यासारखे दिसतात. म्हणून एकमेकांशी बोलून, थोडीफार मैत्री करून शूटिंग करणं खूप चांगलं असतं. अर्थातच इंटिमसी दिग्दर्शक तुमची मदत करतात, पण जेव्हा दोन कलाकारांमध्ये भावनिक दुरावा नसतो, तेव्हा खरा कम्फर्ट सीनमध्येही दिसून येतो”, असं अदिती म्हणाली.

ऑनस्क्रीन केमिस्ट्रीबद्दल काय म्हणाली अदिती?

ऑनस्क्रीन दिसणाऱ्या केमिस्ट्रीबद्दल अदितीने सांगितलं, “जेव्हा दोघे कलाकार एकमेकांसोबत सुरक्षित असतात आणि त्यांच्यात सर्वकाही आपोआप घडू लागतं, त्यातच अशा सीन्सचं सौंदर्य दडलेलं असतं. तुम्ही त्या क्षणाला वाहवत नेता. ते घडू देण्यात काहीच चुकीचं नाही कारण दोघांनाही त्यांची मर्यादा माहीत असते. ती मर्यादा तुम्ही किंवा समोरची व्यक्ती ओलांडत नाही. ती ओलांडायचीही नसते. अभिनेता किंवा अभिनेत्री.. कोणालाच भीती वाटू नये. जेव्हा विश्वास असतो, तेव्हा सीन्स तितके सहज शूट होतात. आपल्याला शरीराला सूचना लगेच कळतात. आम्ही मर्यादांना समजून घेतो आणि त्यांचा आदर करतो. ती सुरक्षेची भावनाच सर्वकाही असते.”

यावेळी अदितीने ‘आश्रम’ सीरिजच्या शूटिंगदरम्यानचा एक मजेशीर किस्सादेखील सांगितला. “आमच्यातील तणाव किंवा संकोचलेपणा त्यावेळी दूर झाला जेव्हा मी त्याचं सगळं जेवण जेवले होते. तो म्हणाला, माझं लिट्टी-चोखा खाऊन टाकलंस. त्यावर मी इतकंच म्हणाले की, होय.. खाऊन टाकलं. त्याचं जेवण जेवण्यापूर्वी मी फारसा विचार केला नव्हता. पण नंतर त्याच्यासाठी मी आलू टिक्की ऑर्डर केली होती. पण त्याला ती खूपच तिखट वाटली म्हणून तीसुद्धा मीच खाऊन टाकली होती. अशाप्रकारे आमच्यातील नातं हलकंफुलकं होत गेलं आणि आमच्यातील संकोचलेपणा दूर झाला”, असा खुलासा अदितीने केला.

Follow Us
महाराष्ट्र एपस्टीन फाईल्स चित्रपटाचा वाद कोर्टात; प्रदर्शनही पुढे ढकलल
Maharashtra Epstein Files : महाराष्ट्र एपस्टीन फाईल्स चित्रपटाचा वाद कोर्टात; प्रदर्शनही पुढे ढकललं
सातारा जिल्हा बँकेच्या निवडणुकीवरून महायुतीत नाराजी? बावनकुळेंनी....
Chandrashekhar Bawankule : सातारा जिल्हा बँकेच्या निवडणुकीवरून महायुतीत नाराजी? चंद्रशेखर बावनकुळेंनी स्पष्टच सांगितलं, म्हणाले?
प्रभादेवीतील संत रोहिदास चाळीवरील कारवाई थांबली; एकनाथ शिंदेंच्या....
Prabhadevi : प्रभादेवीतील संत रोहिदास चाळीवरील कारवाई थांबली; उपमुख्यमंत्री एकनाथ शिंदेंच्या मध्यस्थीनंतर रेल्वे प्रशासनाचा निर्णय
मोठी बातमी! प्रभादेवीतील संत रोहिदास चाळीवर रेल्वेची कारवाई, 100...
मोठी बातमी! प्रभादेवीतील संत रोहिदास चाळीवर रेल्वेची कारवाई, 100 कुटुंबे बेघर होण्याच्या भीतीने रस्त्यावर!
ओडिशाच्या किनारपट्टीवर अम्फान चक्रीवादळाचा तडाखा; 3 लाखांहून अधिक...
ओडिशाच्या किनारपट्टीवर अम्फान चक्रीवादळाचा तडाखा; 3 लाखांहून अधिक नागरिकांचे सुरक्षितस्थळी स्थलांतर!
शिवसेना पक्ष चिन्ह सुनावणीबाबत संजय राऊतांचं मोठं विधान, सरकार स्थिर..
शिवसेना पक्ष चिन्ह सुनावणीबाबत संजय राऊतांचं मोठं विधान, सरकार स्थिर राहणार असे...
लोणावळ्यातील 4 नामांकित हॉटेल्सवर FDAची मोठी कारवाई; थेट परवाने...
Pune FDA : पुण्यातील 4 नामांकित हॉटेल्सवर FDAची धाड; थेट केली कारवाई...
बारामती विमानतळाचा होणार कायापालट! विकासासाठी 132 कोटींचा निधी मंजूर
Baramati : बारामती विमानतळाचा होणार कायापालट! विकासासाठी 132 कोटींचा निधी मंजूर
टीपू सुलतान मुद्द्यावरून वाद पेटला! अमित देशमुखांच्या खळबळजनक विधान...
टीपू सुलतानच्या मुद्द्यावरून वाद पेटला! अमित देशमुखांच्या खळबळजनक विधानावर नितेश राणेंचा जोरदार पलटवार
मंत्री संजय शिरसाट बिहारच्या मुख्यमंत्र्यांची बैठक, भेटीच नेमकं कारण..
Sanjay Shirsat : मंत्री संजय शिरसाट बिहारच्या मुख्यमंत्र्यांची बैठक, भेटीच नेमकं कारण समोर