ना कोटी, ना लाख, अभिजीत बिचुकलेंची संपत्ती किती?

अभिजीत बिचुकले यांनी आपली एकूण संपत्ती 78 हजार 503 रुपये असल्याचं निवडणूक आयोगाकडे सादर केलेल्या प्रतिज्ञापत्रात नमूद केलं आहे.

ना कोटी, ना लाख, अभिजीत बिचुकलेंची संपत्ती किती?
Follow us
| Updated on: Oct 13, 2019 | 11:37 AM

मुंबई : युवासेना प्रमुख आदित्य ठाकरे यांच्याविरोधात वरळी मतदारसंघातून विधानसभा निवडणूक लढवणाऱ्या अभिजीत बिचुकले यांची संपत्ती (Abhijit Bichukale Property) समोर आली आहे. ‘बिग बॉस’च्या घरात आपल्या श्रीमंतीचा तोरा मिरवणाऱ्या बिचुकलेंची संपत्ती कोट्यवधींच्या घरात असेल, असा प्रेक्षकांचा कयास होता. मात्र बिचुकलेंनी जाहीर केल्यानुसार ही संपत्ती केवळ हजारांच्या घरात असल्याचं समोर आलं आहे.

अभिजीत बिचुकले यांनी आपली एकूण संपत्ती 78 हजार 503 रुपयेअसल्याचं निवडणूक प्रतिज्ञापत्रात नमूद केलं आहे. विशेष म्हणजे त्यांची पत्नी अलंकृता यांच्या नावावर बिचुकलेंच्या चौपट संपत्ती असल्याचं दिसत आहे. अलंकृता बिचुकले यांच्या नावावर तीन लाख 66 हजार 818 रुपये असल्याचं बिचुकलेंनी सांगितलं आहे.

बिचुकले यांनी आपल्याकडे दागिने, गाडी, पॉलिसी असं काहीही नसल्याचं म्हटलं आहे. 75 हजारांची रोख रक्कम आपल्याकडे असून तीन बँकांमध्ये 3 हजार 503 रुपये असल्याचा दावा बिचुकलेंनी (Abhijit Bichukale Property) केला आहे.

पत्नी अलंकृता यांच्याकडे 40 हजार रुपये रोख रक्कम, बँक खात्यांमधील रक्कम, पॉलिसी, दुचाकी, सोन्या चांदीचे दागिने अशी एकूण 3 लाख 66 हजार 818 रुपयांची मालमत्ता आहे. अलंकृता यांच्या नावावर असलेल्या दुचाकीची किंमत 80 हजार, तर 90 हजार किंमतीचे तीन तोळे सोने आहे.

अभिजीत बिचुकलेंना निवडणूक आयोगाची नोटीस, उमेदवारीवर टांगती तलवार

दरम्यान, बिचुकलेंसह वरळी मतदारसंघातील तीन उमेदवारांना निवडणूक आयोगाने नोटीस पाठवली आहे. त्यामुळे बिचुकलेंच्या उमेदवारीवरच प्रश्नचिन्ह निर्माण होऊ शकतं.

लोकप्रतिनिधित्व अधिनियमा अंतर्गत अभिजीत बिचुकले, विश्राम पाडम आणि महेश खांडेकर या तिघा उमेदवारांना नोटीस बजावण्यात आली आहे. वरळी विधानसभा मतदारसंघातील तीन उमेदवारांनी निश्चित केलेल्या दैनिक खर्च नोंदवह्या तपासणीसाठी सादर केल्या नसल्याने ही कारवाई करण्यात आली आहे. निवडणूक आयोगाने पाठवलेल्या नोटिशीला उमेदवारांनी वेळेत उत्तर दिलं नाही, तर त्यांची उमेदवारी रद्द करण्याचा अधिकार आयोगाला असतो.

कोण आहे अभिजीत बिचुकले ? 

  • अभिजीत बिचुकले हे साताऱ्यातील फेमस व्यक्तिमत्त्व आहे. राष्ट्रपतीपदाची निवडणूक लढवण्यामुळे ते राज्यभर चर्चेत आले.
  • अभिजीत बिचुकले हा बिग बॉस मराठी सिझन 2 मधील स्पर्धक
  • अभिजीत बिचुकले स्वत:ला कवी म्हणवून घेतात. त्यांनी आतापर्यंत नगरसेवकापासून ते देशाच्या राष्ट्रपतीपदासाठीपर्यंतच्या अनेक निवडणुका लढवल्या आहेत.
  • साताऱ्याचे खासदार उदयनराजे भोसले यांनाही त्यांनी कित्येकदा खुलेआम आव्हान दिलं आहे.
  • बिग बॉसच्या घरात वादग्रस्त वक्तव्य करणे, टास्क खेळताना नियमांच्या विरुद्ध वागणे, घरातील महिला सदस्यांसोबत फर्ल्ट करणे यासाठी प्रसिद्ध आहे. बिग बॉसच्या घरात वादग्रस्त वक्तव्यामुळे त्यांना अल्पावधीतच प्रसिद्ध मिळाली आहे.
  • यंदाच्या लोकसभा निवडणुकीत सातारा आणि सांगलीतून त्यांनी उमेदवारी अर्जही भरला होता.

आदित्य ठाकरे पहिल्यांदाच विधानसभा निवडणुकीच्या रिंगणात उतरले आहेत. पहिल्यांदाच ठाकरे कुटुंबातील सदस्य निवडणूक लढवत असल्याने संपूर्ण महाराष्ट्राचं लक्ष वरळी मतदारसंघाकडे लागलं आहे. ‘बिग बॉस’मुळे चर्चेच्या केंद्रस्थानी असलेले बिचुकलेही या मतदारसंघातून नशीब आजमावत असल्याने अनेकांच्या नजरा वळल्या आहेत.

आदित्य यांच्या विरोधात वरळी मतदारसंघामधून मनसेने उमेदवार दिलेला नाही. तर राष्ट्रवादी काँग्रेसने अॅड. सुरेश माने यांना तिकीट दिलं आहे.

संबंधित बातम्या 

शरद पवारांचे पंतप्रधान होण्याचे स्वप्न मी पूर्ण करेन : अभिजित बिचुकले   

पवारसाहेब उभे राहिले तरीही 100 टक्के लढणार : अभिजीत बिचुकले 

Non Stop LIVE Update
डॉक्टर, नर्सेस यांची इलेक्शन ड्युटी रद्द ; निवडणूक अधिकाऱ्यांची माहिती
डॉक्टर, नर्सेस यांची इलेक्शन ड्युटी रद्द ; निवडणूक अधिकाऱ्यांची माहिती.
तटकरे पडणार ही काळ्या दगडावरची पांढरी रेघ, शेकापचे जयंत पाटीलांचा दावा
तटकरे पडणार ही काळ्या दगडावरची पांढरी रेघ, शेकापचे जयंत पाटीलांचा दावा.
शिंदेंनी शब्द दिला म्हणून गुवाहाटीला, नाहीतर... बच्चू कडू काय म्हणाले?
शिंदेंनी शब्द दिला म्हणून गुवाहाटीला, नाहीतर... बच्चू कडू काय म्हणाले?.
मस्तीत आलेल्यांना... आमदार बच्चू कडू यांचं भाजप कार्यकर्त्यांना आवाहन
मस्तीत आलेल्यांना... आमदार बच्चू कडू यांचं भाजप कार्यकर्त्यांना आवाहन.
लोकसभेच्या 16 लढती फिक्स, कुठं कोणासोबत होणार थेट फाईट?
लोकसभेच्या 16 लढती फिक्स, कुठं कोणासोबत होणार थेट फाईट?.
धैर्यशील माने यांना हातकणंगलेतून पुन्हा तिकीट मिळणार का? काय म्हणाले
धैर्यशील माने यांना हातकणंगलेतून पुन्हा तिकीट मिळणार का? काय म्हणाले.
प्रकाश आंबेडकर यांची 'मविआ'शी फारकत... जरांगे पाटील यांच्यासोबत आघाडी?
प्रकाश आंबेडकर यांची 'मविआ'शी फारकत... जरांगे पाटील यांच्यासोबत आघाडी?.
साताऱ्यात उदयनराजेंचं पुन्हा कमळ, नाशकात छगन भुजबळ? लोकसभा कोण लढणार?
साताऱ्यात उदयनराजेंचं पुन्हा कमळ, नाशकात छगन भुजबळ? लोकसभा कोण लढणार?.
उद्धव ठाकरेंची यादी जाहीर अन काँग्रेससोबत खटके, या दोन जागेवरून हंगामा
उद्धव ठाकरेंची यादी जाहीर अन काँग्रेससोबत खटके, या दोन जागेवरून हंगामा.
माळशिरसच्या मोहिते पाटलांचं ठरलंय, हाती तुतारी घेणार? पवारांसोबत जमलंय
माळशिरसच्या मोहिते पाटलांचं ठरलंय, हाती तुतारी घेणार? पवारांसोबत जमलंय.