AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

येस, मलाही राजकारणात यायला आवडेल, प्रसिद्ध अभिनेत्री मानसी नाईक थेट बोलली; पक्ष कोणता?

प्रसिद्ध अभिनेत्री मानसी नाईक काल परभणीत होती. दहीहंडी स्पर्धेच्या पारितोषिक वितरणाचा कार्यक्रम आयोजित करण्यात आला होता. यावेळी मानसीच्या हस्ते पुरस्काराचं वाटप करण्यात आलं. मानसीच्या नृत्याचा कार्यक्रमही याप्रसंगी पार पडला. यावेळी मानसीने अत्यंत महत्त्वाचं विधान केलं आहे.

येस, मलाही राजकारणात यायला आवडेल, प्रसिद्ध अभिनेत्री मानसी नाईक थेट बोलली; पक्ष कोणता?
मलाही राजकारणात यायला आवडेल,
| Updated on: Sep 07, 2024 | 11:47 AM
Share

विधानसभा निवडणुकीला अवघे काही महिने उरले आहेत. त्यामुळे आपल्याला उमेदवारी मिळावी म्हणून सर्वच इच्छुकांनी सेटिंग लावण्यास सुरुवात केली आहे. तर काहींनी मतदारसंघ पिंजून काढण्यावर भर दिला आहे. काही इच्छुकांनी तर आपल्याला पक्षात तिकीट मिळणार नाही याचा अंदाज घेऊन दुसऱ्या पक्षात जाण्यास सुरुवात केली आहे. सध्या राजकारणात आयाराम गयारामची चलती सुरू आहे. असं असतानाच प्रसिद्ध अभिनेत्री आणि नृत्यांगना मानसी नाईक हिनेही राजकारणात येण्याचे संकेत देऊन बार उडवून टाकला आहे.

अभिनेत्री मानसी नाईक परभणीत आली होती. भाजपच्या दहीहंडी फोड स्पर्धेसाठी मानसी नाईक आली होती. यावेळी तिला राजकारणात येणार का? असा सवाल करण्यात आला. त्यावेळी येस, हो… असं उत्तर दिलं. मलाही भविष्यात राजकारणात यायला आवडेल, असं मानसीने सांगितलं. पण कोणत्या पक्षातून निवडणूक लढवणार हे मात्र तिने गुलदस्त्यात ठेवलं आहे. त्यामुळे तरुणाईच्या काळजाची धडकन असलेली मानसी नाईक कोणत्या पक्षातून लढणार? कोणत्या मतदारसंघातून लढणार? याकडे सर्वांचं लक्ष लागलं आहे.

ते माझे, मी त्यांची

तुम्हाला कोणता नेता आवडतो? असा सवालही तिला करण्यात आला. त्यावर तिने कसलेल्या राजकारण्यासारखं गोलमटोल उत्तर दिलं. कोणता ठराविक राजकारणी मला आवडतो हे सांगायला अजून मी लहान आहे. मात्र राजकारण असो वा कुठलंही क्षेत्र, प्रत्येकजण आपल्या मेहनतीने तिथपर्यंत पोहोचतो. मी कुणा एकाचं नाव घेऊ इच्छित नाही. त्यांच्याच प्रेमापोटी आम्ही कलाकार येतो. ते सर्व माझे आहेत. मी त्यांची आहे, असंही तिने स्पष्ट केलं.

मला परत यायला आवडेल

परभणीत येऊन मला खूप छान वाटतंय, असं मानसी नाईक म्हणाली. मला परभणीत बोलावलं, परभणीकरांना भेटण्याची संधी मिळाली. गोड वाटतंय. इकडे येऊन वेगळीच वाईब आली. पॉझिटिव्हीटी पाहायला मिळाली. कार्यक्रमाचं आयोजन खूप चांगलं होतं. लोकंही छान आहेत. मला इकडे पुन्हा यायला आवडेल, असं मानसीने सांगितलं.

टाळ्या आणि शिट्ट्या…

भारतीय जनता पक्षाकडून परभणीत दहीहंडी स्पर्धेचे आयोजन करण्यात आले होते. यावेळी मानसी नाईक प्रमुख पाहुणी म्हणून उपस्थित होती. यावेळी मानसीच्या नृत्याचा बहारदार कार्यक्रम झाला. मानसीची अदाकारी पाहण्यासाठी एकच झुंबड उडाली होती. टाळ्या आणि शिट्ट्यांनी संपूर्ण मैदान दुमदुमून गेलं होतं. यावेळी कोणतीही गडबड होऊ नये म्हणून पोलिसांचा मोठा बंदोबस्त ठेवण्यात आला होता. याप्रसंगी दहीहंडी स्पर्धेच्या पारितोषिकांचं वितरण मानसीच्या हस्ते करण्यात आलं. राजे संभाजी संघाने दहीहंडी फोडण्याच्या स्पर्धेत प्रथम क्रमांक पटकावला होता. मानसीने या सर्व मंडळांसोबत फोटोही काढला.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी