AQI
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

विकी जैनने सनासोबत नॅशनल टीव्हीवर केली अशी गोष्ट; व्हिडीओ पाहून नेटकऱ्यांनी केली अंकिताची कीव

अभिनेत्री अंकिता लोखंडे आणि विकी जैन या जोडीचा दररोज नवीन ड्रामा बिग बॉसच्या घरात पहायला मिळतोय. नुकताच लाइव्ह फीडमधील विकीचा एक व्हिडीओ सोशल मीडियावर व्हायरल झाला आहे. यामध्ये सना रईस खान आणि त्याच्यातील जवळीक पाहून नेटकरी भडकले आहेत.

विकी जैनने सनासोबत नॅशनल टीव्हीवर केली अशी गोष्ट; व्हिडीओ पाहून नेटकऱ्यांनी केली अंकिताची कीव
अंकिता लोखंडे, विकी जैनImage Credit source: Instagram
Updated on: Nov 22, 2023 | 10:21 AM
Share

मुंबई : 22 नोव्हेंबर 2023 | ‘बिग बॉस 17’मध्ये अभिनेत्री अंकिता लोखंडे आणि तिचा पती विकी जैन चांगलेच चर्चेत आहेत. दररोज या दोघांमध्ये काहीतरी नवीन ड्रामा पहायला मिळतो. बिग बॉसच्या घरात एकीकडे अंकिताने प्रेग्नंसीची टेस्ट केली. तर दुसरीकडे नील भट्टने विकीला टक्कल असल्याचा खुलासा केला. त्यानंतर आता विकी एका वेगळ्याच कारणामुळे चर्चेत आला आहे. ज्यामुळे त्याच्यावर नेटकऱ्यांकडून प्रचंड टीका होतेय. बिग बॉसच्या घरात निराश असलेल्या सना रईस खानला विकी मानसिक आधार देताना दिसला. मात्र हा आधार देताना त्याने ज्यापद्धतीने तिचा हात धरला होता, त्यावरून नेटकरी भडकले आहेत. सोशल मीडियावर विकी आणि सनाचा 59 सेकंदांचा हा व्हिडीओ व्हायरल होत आहे.

या व्हिडीओमध्ये सना अनेकदा विकीचा हात पकडण्याचा प्रयत्न करते आणि विकी तिच्याशी उत्साहाने बोलत असतो. लाइव्ह फिडमधील हा व्हिडीओ सोशल मीडियावर चर्चेचा विषय ठरला आहे. बिग बॉसच्या घरात विकीने अनेकदा पत्नी अंकिताचा अपमान केला, तिच्यावर ओरडला होता. पत्नीला नीट वागणूक न दिल्याने आधीच त्याच्यावर नेटकरी नाराज होते. आता त्याचा आणि सनाचा व्हिडीओ पाहिल्यानंतर अनेकांनी टीकेची झोड उठवली आहे.

‘हे खूपच विचित्र आहे. हा तोच विकी आहे, ज्याला टास्कदरम्यान अंकिताने चिंटूसोबत डान्स केल्याने समस्या होती’, असं एकाने लिहिलं. तर ‘मला वाटत नाही की तो तिचा हात पकडण्याचा प्रयत्न करतोय. पण सना सतत त्याचा हात आपल्या हातात घेण्याचा प्रयत्न करतेय’, असं दुसऱ्या युजरने म्हटलंय. बिग बॉसच्या घरात जेव्हा अंकिताला मानसिक आधाराची गरज होती, तेव्हा मात्र विकीने तिची साथ दिली नाही, असाही मुद्दा काहींनी उपस्थित केला. ‘अंकिताचा पती काहीच कामाचा नाही’, अशा शब्दांत नेटकऱ्यांनी टीका केली.

पहा व्हिडीओ

बिग बॉसच्या घरात अंकिता आणि विकी यांच्यात सतत भांडणं झालेली पहायला मिळाली. या दोघांच्या भांडणांबद्दल अभिनेत्री काम्या पंजाबी, देवोलीना भट्टाचार्जी यांनीसुद्धा प्रतिक्रिया दिली होती. काम्याने तिच्या पोस्टमध्ये लिहिलं होतं, ‘मला अंकिता खरंच आवडते पण असं वाटतंय की तिने या शोमध्ये यायला पाहिजे नव्हतं. पतीसोबत तर नक्कीच नाही. तिला आणि विकीला फार उशीर होण्याआधी हा खेळ समजू दे अशी आशा करते.’

‘गोपी बहू’ ऊर्फ देवोलीना हिनेसुद्धा एक्सवर (ट्विटर) पोस्ट लिहित विकीवर निशाणा साधला होता. ‘पती-पत्नीमध्ये मतभेद होतच असतात. परंतु दररोज पत्नीचा अपमान करणे, तिला वाईट वागणूक देणं हे अजिबात मनोरंजक नाही आणि हा खेळाचा भागसुद्धा होऊ शकत नाही’, असं तिने म्हटलं होतं.

दानवेंच्या निरोप समारंभात फडणवीसांची शाल-पागोट्यातून टोलेबाजी
दानवेंच्या निरोप समारंभात फडणवीसांची शाल-पागोट्यातून टोलेबाजी.
Mahadev Munde Case:माझ्या सिंदूरला न्याय द्या, ज्ञानेश्वरी मुंडे भावूक
Mahadev Munde Case:माझ्या सिंदूरला न्याय द्या, ज्ञानेश्वरी मुंडे भावूक.
उद्धव ठाकरे आणि मुख्यमंत्री फडणवीसांची भेट अन् हसून गप्पा
उद्धव ठाकरे आणि मुख्यमंत्री फडणवीसांची भेट अन् हसून गप्पा.
महाजन मनसेत नाराज? अमित ठाकरेंचा फोन; तुम्ही मीडियाकडे का गेलात..
महाजन मनसेत नाराज? अमित ठाकरेंचा फोन; तुम्ही मीडियाकडे का गेलात...
दोन्ही सेना अन्यायाविरुद्ध रस्त्यावर लढणाऱ्या - उपमुख्यमंत्री शिंदे
दोन्ही सेना अन्यायाविरुद्ध रस्त्यावर लढणाऱ्या - उपमुख्यमंत्री शिंदे.
पायाला जखमा, 12 दिवस खांद्यावर नांगर अन् मुंबईच्या दिशेन पायपीट
पायाला जखमा, 12 दिवस खांद्यावर नांगर अन् मुंबईच्या दिशेन पायपीट.
नितेश राणेंच्या खात्याची जाहिरात सामनाच्या फ्रंट पेजवर; राऊत म्हणाले..
नितेश राणेंच्या खात्याची जाहिरात सामनाच्या फ्रंट पेजवर; राऊत म्हणाले...
शिंदेंसोबतच्या युतीवर आनंदराज आंबेडकरांची मोठी प्रतिक्रिया
शिंदेंसोबतच्या युतीवर आनंदराज आंबेडकरांची मोठी प्रतिक्रिया.
प्रेमासाठी आत्महत्येचा बनाव करत दुसऱ्याच महिलेला जीवंत जाळलं अन्...
प्रेमासाठी आत्महत्येचा बनाव करत दुसऱ्याच महिलेला जीवंत जाळलं अन्....
मराठी शाळा टिकवण्याची तळमळ! फक्त दोन विद्यार्थ्यांसाठी भरते शाळा
मराठी शाळा टिकवण्याची तळमळ! फक्त दोन विद्यार्थ्यांसाठी भरते शाळा.