Anushka Sharma : मनोरंजन करायला सज्ज अनुष्का शर्मा! तीन मोठ्या प्रोजेक्ट्ससह परतणार?
अनुष्का शर्मा (Anushka Sharma) बऱ्याच दिवसांपासून चित्रपटांपासून दूर आहे. मुलीला जन्म दिल्यानंतर त्यातच ती खूप व्यस्त होती. जवळपास दोन वर्षांपासून ती चित्रपटांपासून दूर होती. मात्र आता ती चित्रपटांमध्ये पुनरागमन (ComeBack) करण्यास सज्ज झालीय.
मुंबई : अनुष्का शर्मा (Anushka Sharma) बऱ्याच दिवसांपासून चित्रपटांपासून दूर आहे. मुलीला जन्म दिल्यानंतर त्यातच ती खूप व्यस्त होती. जवळपास दोन वर्षांपासून ती चित्रपटांपासून दूर होती. मात्र आता ती चित्रपटांमध्ये पुनरागमन (ComeBack) करण्यास सज्ज झालीय. तिचे चाहतेही तिच्या चित्रपटांची बऱ्याच दिवसांपासून आतुरतेनं वाट पाहताहेत. सूत्रांच्या माहितीनुसार, अनुष्का तीन प्रोजेक्ट साइन करण्यास तयार आहे, त्यापैकी दोन थिएटर प्रोजेक्ट्स असतील. त्यासोबत एका OTT ओरिजनल चित्रपटातदेखील ती दिसणार आहे. भारतातला डिजिटल प्लॅटफॉर्मसाठी चित्रित केलेला सर्वात मोठा असा तो चित्रपट मानला जातोय.
वर्षाच्या सुरुवातीला होणार घोषणा? एका स्रोतानुसार, 2022मध्ये अनुष्का शर्माचं चित्रपटांमध्ये पुनरागमन ही आमच्या चित्रपट उद्योगासाठी चांगली गोष्ट आहे. ती मुख्यतः तीन मोठ्या प्रकल्पांमध्ये दिसण्याची अपेक्षा आहे, त्यापैकी दोन मोठ्या पडद्यावर मनोरंजन करणारे आहेत, तर एक OTT प्रोजेक्ट आहे. भारतातला डिजिटल क्षेत्रात बनवला जाणारा हा सर्वात मोठा चित्रपट ठरणार आहे. पुढच्या वर्षाच्या सुरुवातीला याची घोषणा होईल, अशी अपेक्षा आहे. अनुष्काचे चाहतेही यामुळे खुश होतील.
चर्चेचा भाग अनुष्काचा हिंदी चित्रपटसृष्टीतला सर्वात मोठा हिट्स देण्याचा उत्कृष्ट ट्रॅक रेकॉर्ड, उत्कृष्ट, अष्टपैलू अभिनय कौशल्य यामुळे हे प्रकल्प आधीच चर्चेचा विषय बनले आहेत. सर्वोत्कृष्ट सिनेमाचा एक भाग होण्यासाठी अनुष्काही नेहमीच उत्सुक असते. ती तिच्या अभिनय कारकिर्दीवर लक्ष केंद्रित करेल आणि तिला सिनेमाचा एक भाग व्हायचं आहे, हे अत्यंत स्वागतार्ह बाब असल्याचं सुत्रांनी सांगितलं.
मुलगी होणार एक वर्षाची अनुष्का शर्माचे तीन चित्रपट आहेत, ज्यांनी 300 कोटींचा टप्पा ओलांडला. सुलतान, पीके आणि संजू. आता अनुष्का शर्माची मुलगी वामिका लवकरच 11 जानेवारी रोजी एक वर्षाची होणार आहे. त्यानंतर अभिनेत्री अनुष्का पुन्हा एकदा रुपेरी पडद्यावर थिरकण्यासाठी सज्ज झालीय.