एवढे सुपरहिट सिनेमे देणाऱ्या अक्षय कुमारला त्याचा कोणता सर्वात जास्त सिनेमा आवडतो?

अक्षय कुमार बॉलिवूडमधील आघाडीच्या अभिनेत्यांच्या यादीतील मोठं नाव… अक्षय कुमारने आजवर अनेक सुपरहिट सिनेमांमध्ये काम केलं आहे. पण इतके सुपरहिट सिनेमे करणाऱ्या अक्षयला त्याचा कोणता सिनेमा आवडला? यावर अक्षय कुमारने भाष्य केलं आहे. येत्या 12 जुलैला अक्षय कुमारचा ‘सरफिरा’ या चित्रपटातून प्रेक्षकांच्या भेटीला येणार आहे. या चित्रपटाचं अक्षय प्रमोशन करतो आहे. दिल्ली आणि पुण्यात त्याने या सिनेमाचं प्रमोशन केलं. शहरांमध्ये काही खास स्क्रिनिंगचे आयोजन करण्यात आलं होतं. तेव्हा त्याने त्यांच्या आवडत्या सिनेमावर भाष्य केलं.

अक्षयचा आवडता सिनेमा कोणता?

‘सरफिरा’ हा माझा 150 वा चित्रपट आहे आणि हा माझा सर्वोत्कृष्ट चित्रपट आहे. मला हा चित्रपट आणि त्यात भूमिका साकारण्याची संधी दिल्याबद्दल मी सुधाचा खूप आभारी आहे, असं अक्षय कुमार म्हणाला. ‘सरफिरा’ हा चित्रपट लवकरच प्रेक्षकांच्या भेटीला येणार आहे. याच सिनेमाच्या प्रमोशनवेळी अक्षयने ‘सरफिरा’ सर्वोत्कृष्ट चित्रपट असल्याचं आणि त्याला आवडल्याचं म्हटलं आहे.

ट्रेलरला प्रेक्षकांची पसंती

‘सरफिरा’ सिनेमांचं सध्या जोरदार प्रमोशन सुरू आहे. . ‘सरफिरा’ चित्रपटाने सर्वात उत्कंठावर्धक चित्रपट म्हणून आयएमडीबीच्या यादीत पहिलं स्थान पटकावलं आहे. इंडियन 2 आणि बॅड न्यूज या चित्रपटांना मागे टाकत पाहिले स्थान पटकावलं आहे. या आठवड्याच्या सुरुवातीला ‘सरफिरा’चा ट्रेलर यूट्यूबवर रिलीज झाल्याच्या 24 तासात सर्वाधिक पाहिला गेलेला चित्रपटाचा ट्रेलर ठरला आहे.

View this post on Instagram

A post shared by Abundantia Entertainment (@abundantiaent)

‘सरफिरा’ हा जीआर गोपीनाथ यांच्या खऱ्या जीवनातील कथेवर आधारित आहे. ज्यांनी सर्वसामान्यांसाठी किफायतशीर विमान वाहतूक शक्य केली. सुधा कोंगारा दिग्दर्शित हा चित्रपट 5 राष्ट्रीय पुरस्कार विजेत्या सूरराई पोत्रू या चित्रपटाचं अधिकृत रूपांतर आहे. सुधा आणि शालिनी उषादेवी संवाद यांनी लिहिले आहेत. पूजा तोलानी आणि जी.व्ही. प्रकाश कुमार यांनी संगीतबद्ध केलंय. तर चित्रपटाची निर्मिती केप ऑफ गुड फिल्म्सच्या अरुणा भाटिया यांनी केलीय. दक्षिण सुपरस्टार सूर्या आणि ज्योतिका आणि विक्रम मल्होत्रा यांनी केली आहे. येत्या 12 जुलैला हा सिनेमा प्रदर्शित होणार आहे. या सिनेमाबद्दल अक्षयच्या चाहत्यांमध्ये उत्सुकता आहे.