Saba Azad | सबा आझाद ‘या’ चित्रपटात दिसणार महत्वाच्या भूमिकेत…

मुंबई : बॉलिवूड अभिनेत्री सबा आझाद (Saba Azad) तिच्या पर्सनल लाईफमुळे सध्या चर्चेत आहे. ऋतिक रोशनसोबत सबा आझाद अनेकदा फिरताना दिसते. इतकेच नाही तर हे दोघे रिलेशनमध्ये (Relation) असल्याच्या देखील चर्चा आहेत. रिचा चढ्ढा आणि अली फजलच्या रिसेप्शनला ही सबा आणि ऋतिकनेसोबतच हजेरी लावली होती. अनेकदा हे परदेशात देखील फिरायला जातात. ऋतिक रोशन (Hrithik Roshan) एका मुलीला डेट करत असल्याच्या बातम्या काही दिवसांपूर्वी पुढे आल्या होत्या. मात्र, नंतर समजले की, ही दुसरी तिसरी कोणी नसून ही सबा आझाद आहे.

सबा आझादचा सॉन्ग्स ऑफ पॅराडाइज हा चित्रपट लवकरच चाहत्यांच्या भेटीला येणार आहे. सध्या सबा या चित्रपटामध्ये व्यस्त आहे. सॉन्ग्स ऑफ पॅराडाइज चित्रपटामध्ये सबा महत्वाच्या भूमिकेत आहेत. सबाने आता या चित्रपटाविषयी माहिती आपल्या चाहत्यांना दिलीये. इतकेच नाही तर तिने या चित्रपटाची झलकही आपल्या चाहत्यांसोबत शेअर केलीये. या चित्रपटाचे निर्माते दानिश रेंजू हे आहेत.

सॉन्ग्स ऑफ पॅराडाइज या चित्रपटात सबा एका गायिकेच्या भूमिकेत दिसणार आहे. काश्मिरी कलाकारांचा आयुष्यावर हा सर्व चित्रपट आहे. या चित्रपटाचे जास्त शूटिंग हे काश्मिरमध्येच झाल्याचे सांगितले जातंय. या चित्रपटामुळे सर्वजण सबाचे काैतुक करताना दिसत आहेत. काही दिवसांपूर्वी सबा आणि ऋतिक रोशन विमानतळावर स्पाॅट झाले होते. यावेळी त्यांनी चाहत्यांसोबत फोटोही काढले होते.