Video | अमेरिकेच्या नेव्ही बँडने गायले ‘स्वदेस’ चित्रपटाचे गाणे, भावूक झालेल्या शाहरुखने दिली ‘अशी’ प्रतिक्रिया!

मुंबई : बॉलिवूडचा किंग अर्थात अभिनेता शाहरुख खानच्या (Shah Rukh Khan) ‘स्वदेस’  (Swades) या चित्रपटाला भारतीय लोकांच्या हृदयात एक खास स्थान आहे. या चित्रपटाद्वारे देशभक्तीची भावना प्रेक्षकांसमोर अतिशय अनोख्या पद्धतीने सादर केली गेली. या चित्रपटाविषयी आणि त्यातील गाण्यांबद्दल आजही तितकीच क्रेझ आहे, हे केवळ भारतातच नाही तर परदेशातही नुकतेच पाहिले गेले. खरं तर, अमेरिकेच्या नेव्ही बँड ‘सी चांटर्स’ने अमेरिकेतील भारताचे राजदूत तरनजित सिंग संधू (Taranjit Singh Sandhu) यांच्या समोर एक छोटासा परफॉर्मेंस सादर केला (Shah Rukh Khan emotional reaction on US navy band performance on Yeh Jo Desh Hai Tera song).

शाहरुखच्या ‘स्वदेश’ या चित्रपटातील प्रसिद्ध गाणे ‘ये जो देश है तेरा’वर (Yeh Jo Desh Hai Tera) या बँडने आपले सादरीकरण केल. यूएस नेव्ही बँडची हे सदरीकरण सोशल मीडियावर चर्चेत आले आहे. खुद्द शाहरुख खानदेखील यावर प्रतिक्रिया देण्यापासून स्वत:ला रोखू शकला नाही. शाहरुख या सादरीकरणावर प्रतिक्रिया देताना थोडास भावूक झालेला दिसला. तरनजितसिंग संधू यांनी आपल्या ट्विटर हँडलवर यूएस नेव्ही बँडचे हे सादरीकरण शेअर केले आहे.

पाहा शाहरुख खानचे ट्विट

Thank u for sharing this sir. How lovely. Git all nostalgic about the time spent making this beautiful film and belief sung in the song. Thanx @AshGowariker @RonnieScrewvala @arrahman & everyone who made it possible. https://t.co/rFRKcHTDCg

— Shah Rukh Khan (@iamsrk) March 29, 2021

तरनजितसिंग संधू यांच्या ट्विटला उत्तर देताना शाहरुखने लिहिले की, ‘हे शेअर केल्याबद्दल धन्यवाद सर. हे खूप गोड आहे. जेव्हा हा चित्रपट आणि हे गाणे ऐकू येते तेव्हा, जुन्या काळाची आठवण येते.’ एवढेच नाही तर शाहरुखने या चित्रपटाशी आणि गाण्याशी संबंधित सर्व कलाकारांचेही आभार मानले आहेत (Shah Rukh Khan emotional reaction on US navy band performance on Yeh Jo Desh Hai Tera song).

पाहा हा व्हिडीओ

‘ये वो बंधन है जो कभी टूट नहीं सकता! This is a friendship bond that cannot be broken ever.’ ????

US Navy singing a popular Hindi tune @USNavyCNO ‘s dinner last night! pic.twitter.com/hfzXsg0cAr

— Taranjit Singh Sandhu (@SandhuTaranjitS) March 27, 2021

हा व्हिडीओ शेअर करताना तरनजित यांनी आपल्या ट्विटमध्ये लिहिले होते की, ‘हे बंधन आहे जे कधीही तुटू शकत नाही. हे मैत्रीचे बंधन आहे जे कधीही तुटू शकत नाही…’

सादरीकरणाचे निमित्त…

भारत आणि अमेरिका यांच्यातील दृढ संबंधांना आणखी बळकट करण्याकरता यूएस नेव्हीच्या मुख्यालयात रात्रीच्या जेवणाचे आयोजन करण्यात आले होते. त्याचवेळी हे गाणे यूएस नेव्ही बँडने सादर केले. त्याचबरोबर जर, आपण स्वदेश चित्रपटाच्या या गाण्याबद्दल बोललो, तर हे मूळ गाणे ए.आर. रहमान यांनी गायले होते. आशुतोष गोवारीकर दिग्दर्शित ‘स्वदेश’ हा चित्रपट 2004मध्ये प्रदर्शित झाला होता. या चित्रपटात शाहरुख खानसोबत अभिनेत्री गायत्री जोशी झळकली होती. तथापि, हा चित्रपट बॉक्स ऑफिसवर काही खास जादू दाखवू शकला नव्हता. परंतु, त्याची संकल्पना प्रेक्षकांना खूप भावली.

(Shah Rukh Khan emotional reaction on US navy band performance on Yeh Jo Desh Hai Tera song)

हेही वाचा :

VIDEO : प्रत्येक भारतीयाच्या अंगावर शहारे येतील; अमेरिकन नौदलाच्या जवानांनी गायलं ‘ये जो देस है तेरा’

Akshay Kumar | अक्षय कुमारने सुरु केले ‘राम सेतु’चे चित्रीकरण, लूकविषयी सांगताना म्हणाला…