हेमा मालिनी यांच्यामुळे नातेवाईकांवर आली वाईट वेळ? भाचीकडून खंत व्यक्त

अभिनेत्री हेमा मालिनी यांना आज कोणत्याच ओळखीची गरज नाही. गेल्या अनेक वर्षांपासून हेमा मालिनी बॉलिवूडमध्ये सक्रिय आहे. सध्या हेमा मालिनी अभिनयापासून दूर असल्या तरी कायम कोणत्या न कोणत्या कारणामुळे चर्चेत असतात. आता हेमा मालिनी निवडणुकांमध्ये व्यस्त आहेत. सांगायचं झालं तर, हेमा मालिनी प्रसिद्ध आणि लोकप्रिय असल्यामुळे त्यांबद्दल आणि त्यांच्या कुटुंबियांबद्दल अनेक गोष्टी जाणून घेण्यासाठी उत्सुक असतात. आता हेमा मालिनी यांच्या भाचीने मोठं वक्तव्य केलं आहे.

1991 साली प्रदर्शित झालेल्या ‘फूल और कांटे’ सिनेमात अभिनेत्री मधू शाह हिने अभिनेता अजय देवगन याच्यासोबत बॉलिवूडमध्ये पदार्पण केलं. गेल्या अनेक वर्षांपासून मधू अभिनयापासून दूर आहे. पण आता अभिनेत्री पुन्हा बॉलिवूडमध्ये पदार्पण करण्यास सज्ज झाली असून नुकताच झालेल्या मुलाखतीत मधू हिने हेमा मालिनी यांच्याबद्दल मोठं वक्तव्य केलं आहे.

मधू म्हणाली, ‘मी हेमा मालिनी यांची चुलत बहीण आहे. जुही चावला माझ्या पतीच्या भावाच्या पत्नी आहे. आमचं संपूर्ण कुटुंब अभिनय विश्वातील आहे. पण माझ्या लग्नानंतर जुही माझ्या आयुष्यात आल्या आणि लग्नानंतर मी इंडस्ट्रीचा निरोप घेतला होता. त्यामुळे इंडस्ट्री सोडण्याच्या निर्णयामुळे मला कोणता फरक पडत नव्हता…’

हेमा मालिनी यांच्यासोबत असलेल्या नात्याबद्दल अभिनेत्री म्हणाली, ‘हेमा मालिनी यांची नातेवाईक असल्यामुळे मात्र फरक पडला… त्यांच्यामुळे मला इंडस्ट्रीमध्ये आदर आणि सन्मान मिळाला. माझे वडील देखील निर्माता होते. त्यामुळे बाहेरून आलेल्या मुलींना जो संघर्ष करावा लागतो, तसा संधर्ष मला करावा लागला नाही…’

‘मला हेमा मालिनी यांच्यामुळे सिनेमे मिळाले नाहीत… हीट्स मिळाले नाही. पण सन्मान मिळाला. जर मी कोणत्या निर्मात्याच्या ऑफिसमध्ये जाते तर मला सन्मान मिळतो… हेमा मालिनी यांच्या कुटुंबातील असल्यामुळे मला हा सन्मान मिळतो…’ असं देखील अभिनेत्री मधू म्हणाली.

मधू हिच्याबद्दल सांगायचं झालं तर, अभिनेत्रीने हिंदी, तमिळ, तेलगू, मल्याळम आणि कन्नड सिनेमांमध्ये महत्त्वाची भूमिका साकारत चाहत्यांचं मनोरंजन केलं. फूल और कांटे, रोजा, अल्लारी प्रियडू, योधा आणि जेंटलमन यांसारख्या अनेक सिनेमांमध्ये मधू हिने महत्त्वाची भूमिका साकारली आहे.