सिनेमांमध्ये काम नाही, पतीची साथ नाही, तरीही करिश्मा कपूर कमवते कोट्यवधींची माया

अभिनेत्री करिश्मा कपूर आता बॉलिवूडपासून दूर असली तरी, चाहत्यांमध्ये कायम चर्चेत असते. अभिनेत्री सोशल मीडियावर देखील कायम सक्रिय असते. कपूर कुटुंबातील करिश्मा ही पहिली मुलगी आहे, जिने बॉलिवूडमध्ये येण्याचा निर्णय घेतला. करिश्मा हिने आपल्या कुटुंबाच्या विरोधात जाऊन स्वप्न पूर्ण केली. करिश्मा हिच्या आई यांनी देखील कायम लेकीला प्रोत्साहन दिलं. शिक्षण सोडून करिश्माने वयाच्या अवघ्या 16 व्या वर्षी ‘प्रेम कैदी’मधून बॉलिवूडमध्ये करिअरला सुरुवात केली.

पहिला सिनेमा ‘प्रेम कैदी’मधून बॉलिवूडमध्ये पदार्पण केल्यानंतर करिश्माने एकापाठोपाठ एक 5 फ्लॉप सिनेमे दिले. पण अभिनेत्रीने कधीही मागे वळून पाहिलं नाही. महत्त्वाचं म्हणजे अभिनेता सलमान खान आणि अक्षय कुमार यांच्यासोबत देखील अभिनेत्रीची जोडी फेल ठरली. पण 1992 साली प्रदर्शित झालेल्या ‘जिगर’ सिनेमातून चाहत्यांच्या मनावर राज्य केलं.

एक काळ असा होता, जेव्हा बॉलिवूड आणि चाहत्यांमध्ये करिश्मा हिचा बोलबाला होता. आज करिश्मा बॉलिवूड पासून दूर आहे. तरी देखील कोट्यवधींचा माया कमावते. करिश्मा सिनेमांपासून दूर असली तरी तिच्याकडे संपत्तीची कमतरता नाही. करिश्मा आज रॉयल आयुष्य जगत आहे.

मीडिया रिपोर्ट्सनुसार, करिश्मा कपूरची संपत्ती 12 मिलियन डॉलर म्हणजेच 87 कोटी रुपये इतकी आहे. जाहिरात आणि मॉडेलिंगच्या माध्यमातून अभिनेत्री कोट्यवधींची कमाई करते. अभिनेत्री Babyoye कंपनीची शेअरहोल्डर आहे. शिवाय अनेक शोमध्ये अभिनेत्री परीक्षकाची भूमिका देखील बजावते.

करिश्मा कपूर हिच्या सिनेमांबद्दल सांगायचं झालं तर, ‘अनाडी’ सिनेमातून देखील अभिनेत्रीच्या लोकप्रियतेत मोठी वाढ झाली. करिश्मा कपूर हिने जवळपास 50 पेक्षा जास्त सिनेमांमध्ये काम केलं. ‘राजा बाबू’, ‘आशिक’, ‘फिजा’, ‘हम साथ साथ हैं’, ‘हसीना मान जाएगी’, ‘दिल तो पागल है’, ‘हीरो नंबर 1’, ‘राजा हिंदुस्तानी’ आणि ‘जीत’ यांसारखे सुपरहीट सिनेमे करिश्माने बॉलिवूडला दिले.

करिश्मा कपूर प्रोफेशनल आयुष्यात यश मिळालं पण अभिनेत्रीला खासगी आयुष्यात अनेक अडचणींचा सामना करावा लागला. उद्योजक संजय कपूर यांच्यासोबत घटस्फोट झाल्यानंतर अभिनेत्री सिंगल मदर म्हणून दोन मुलांचा सांभाळ करत आहे. अभिनेत्री अनेक ठिकाणी मुलांसोबत स्पॉट देखील करण्यात येतं.

सोशल मीडियावर देखील करिश्मा कायम सक्रिय असते. सोशल मीडियावर तिच्या चाहत्यांची संख्या देखील फार मोठी आहे. चाहत्यांच्या संपर्कात राहाण्यासाठी अभिनेत्री कायम स्वतःचे फोटो आणि व्हिडीओ सोशल मीडियावर पोस्ट करत असते.