प्रेग्नेंसीमध्ये नवऱ्याने फसवलं, बॅगेत आढळली अशी गोष्ट अभिनेत्रीला येऊ लागला संशय, अखेर नातं पोहोचलं घटस्फोटापर्यंत

झगमगत्या विश्वातील सेलिब्रिटी त्यांच्या प्रोफेशनल आयुष्यामुळे कमी पण खासगी आयुष्यामुळे अधिक चर्चेत असतात. एक अभिनेत्री तर अशी आहे, जी आज घटस्फोटानंतर मुलीसोबत आनंदी आयुष्य जगत आहे. अभिनेत्री कायम तिच्या खासगी आयुष्यामुळे चर्चेत असते. सध्या ज्या अभिनेत्रीची चर्चा रंगली आहे, ती अभिनेत्री दुसरी तिसरी कोणी नाही चारु असोपा आहे. चारु हिने 2021 मध्ये सुष्मिता सेनच्या भावासोबत लग्न केलं. त्यानंतर 2023 मध्ये दोघांचा घटस्फोट झाला. सांगायचं झालं तर, एका मुलाखतीत अभिनेत्री पूर्व पतीवर अनेक गंभीर आरोप केले होते.

चारु हिने एका मुलाखतीत सांगितलं होतं की, रजीव याच्या बॅगेत अशा काही गोष्टी सापडल्या ज्यामुळे अभिनेत्रीचा संशय आधिक वाढत गेला. चारु जेव्हा प्रेग्नेंट होती, तेव्हा राजीव याने चारुची फसवणूक केली . राजीव अधिक काळ घराबाहेरच राहायचा आणि रात्री उशिरा घरा परतायचा… मुलाखतीत चारु म्हणालेली, ‘राजीव अनेकदा मला खोटी कारणं सांगायचा. कधी म्हणायचा ट्राफिक आहे, तर कधी म्हणायचा कामात आहे. पण तो वांद्रे येथे एका कॅफेमध्ये बसून असायचा…’ एवढंच नाही तर, अनेकदा असा दावा देखील करायचा की, कारमध्येच रात्र घालवली.

चारूने असाही आरोप केला की राजीवने तिला मारहाण केली होती, ज्यामुळे तिला पोलिसांत तक्रार करावी लागली. मात्र, जेव्हा जेव्हा राजीवने माफी मागितली, तेव्हा तिने त्याला माफ केलं. चारू हिने सांगितल्यानुसार, परिस्थिती सुधारेल असं आश्वासन राजीव याने दिल्यानं तिने एकदा घटस्फोटाचा निर्णय मागे घेतला होता. आपली मुलगी झियाना हिच्यासाठी तिने या नात्याला आणखी एक संधी दिली, पण काहीच उपयोग झाला नाही.

राजीव सेन याने चारूचे सर्व आरोप फेटाळून लावले. त्याने चारूवर अभिनेता करण मेहरासोबत अफेअर असल्याचा आरोप केला, मात्र चारूने हा दावा खोटा असल्याचं सांगत फेटाळून लावला. आपली मुलगी झियाना हिच्यासाठी राजीव यांच्याशी संबंध आहे तसे राखण्याची इच्छा चारूने व्यक्त केली. आपल्या मुलीला वडिलांसोबत वेळ घालवण्याचा पूर्ण अधिकार आहे आणि तिने आपल्या वादग्रस्त नातेसंबंध पाहू नयेत, असं तिला वाटत होतं. अशात दोघांनी परस्पर सहमतीने विभक्त होण्याचा निर्णय घेतला.

चारू असोपा हिच्याबद्दल संगायचं झालं तर, ती एक प्रसिद्ध टेलिव्हिजन अभिनेत्री असून तिने ‘मेरे अंगने में’, ‘देवों के देव… महादेव’, ‘जीजी माँ’, ‘बालवीर’ आणि ‘लाडो 2’ यांसारख्या लोकप्रिय मालिकांमध्ये काम केलं आहे. सोशल मीडियावर देखील अभिनेत्री कायम सक्रिय असते. सोशल मीडियावर तिच्या चाहत्यांची संख्या देखील फार मोठी आहे.