सेलिब्रिटींमध्ये कोरोनाचा हाहाकार, शिल्पानंतर ‘ही’ अभिनेत्री आणि तिची आई कोरोनाच्या विळख्यात

कोरोना व्हायरसने पुन्हा हाहाकार माजवला आहे. अनेकांना कोरोनाची लागण झाली आहे. एवढंच नाही तर, सेलिब्रिटींमध्ये देखील कोरोनाचा हाहाकार पाहायला मिळक आहे. अभिनेत्री शिल्पा शिरोडकर हिच्यानंतर अभिनेत्री निकिता दत्ता आणि तिच्या आईला देखील कोरोणाची लागण झाली आहे. खुद्द निकिताना सोशल मीडियावर पोस्ट करत कोरोना झाल्याची माहिती दिली आहे. सध्या निकिता घरात क्वारेंटाईन आहे. कोरोनाची हलकी लक्षणं अभिनेत्रीला जाणवत आहे.

इन्स्टाग्रामवर स्टोरी पोस्ट करत अभिनेत्री कॅप्शनमध्ये म्हणते, ‘कोविडने मला आणि आईला हेलॉ म्हटलं आहे. आशा आहे की हा नको असलेला पाहुणा जास्त काळ राहणार नाही. या छोट्या क्वारंटाइन नंतर भेटूया. सर्वजण सुरक्षित रहा.’ असं म्हणत अभिनेत्रीने सर्वांना सुरक्षित राहण्याचा देखील सल्ला दिला आहे.

सांगायचं झालं तर, निकिता नुकताच ‘ज्वेल थीफ’ सिनेमातून चाहत्यांच्या भेटीस आली. बॉलिवूडमध्ये पदार्पण केल्यानंतर अभिनेत्रीचं मोठं स्वप्न पूर्ण झालं. यावर आनंद व्यक्त करत अभिनेत्री म्हणाली होती, ‘सिद्धार्थ आनंदच्या दुनियेतील सर्वात मोठी भाग होणं फार मोठी गोष्ट आहे.’ असं देखील अभिनेत्री म्हणाली होती.

शिल्पा शिरोडकर हिला कोरोनाची लागण

अभिनेत्री शिल्पा शिरोडकर हिला देखील कोरोनाची लागण झाल्याच कळताच अभिनेत्रीने सोशल मीडियावर एक पोस्ट शेअर केली आहे. शिवाय अभिनेत्री मास्क घालण्याचा देखील सल्ला दिला आहे. अभिनेत्री सोशल मीडियावर एक पोस्ट शेअर करत म्हणाली, ‘माझी कोरोना टेस्ट पॉझिटिव आली आहे. तुम्ही सुरक्षित राहा आणि मास्क लावा…’ असं अभिनेत्रीने सर्वांना आवाहन केलं आहे.

मे महिन्यातील कोरोना रुग्णांची संख्या

मे महिन्यात मुंबईत आतापर्यंत 95 नवीन कोविड-19 रुग्ण आढळले आहेत, तर जानेवारीपासून महाराष्ट्रात फक्त 106 रुग्ण आढळले आहेत. इन्फ्लूएंझासारखी लक्षणे (ILI) किंवा श्वसन आजार (SARI) असलेल्या सर्व रुग्णांची आता COVID-19 साठी चाचणी केली जात आहे.

भारतात, बहुतेक नवीन कोरोना संसर्गांमध्ये, रुग्णाची स्थिती फारशी गंभीर झालेली नाही. एवढंच नाहीतर, कोरोनामुळे कोणत्याही मृत्यूची किंवा कोणत्याही रुग्णाला आयसीयूमध्ये दाखल केल्याची कोणतीही नोंद नाही.