नसीरुद्दीन शाहांच्या मुलाबरोबर 7 वर्ष लिव्ह इन, आता ‘सबा’च्या ऋतिकबरोबर अफेयर्सच्या चर्चा!

ऋतिक रोशन सुझैनबरोबर वेगळं होऊन खूप वर्षे झालीत. आता त्याच्या नव्या अफेयर्सबाबतीत चर्चा सुरु झाल्या आहेत आणि जिच्याबरोबर चर्चा सुरु आहेत ती आहे मिस्ट्री गर्ल सबा आझाद (Saba Azad), जी अभिनयाचे सम्राट नसीरुद्दीन शहा यांचा मुलगा इमाद शाहबरोबर (Imaad Shah) 7 वर्ष लिव्ह इनमध्ये होती...!

ऋतिक रोशन, सबा आझाद, इमाद शाह

TV9 मराठी डिजीटल टीम | Edited By: आयेशा सय्यद | Updated on: Feb 02, 2022 | 12:57 PM

मुंबई : बॉलिवूडचा स्टार ऋतिक रोशन (Hritik Roshan) त्याच्या भारदस्त व्यक्तिमत्त्वामुळे, वेगळ्या स्टोरीजच्या चित्रपटाने आणि त्याच्या वैयक्तिक आयुष्याबद्दल सतत चर्चेत असतो. ऋतिक सुझैनबरोबर वेगळं होऊन खूप वर्षे झालीत. आता त्याच्या नव्या अफेयर्सबाबतीत चर्चा सुरु झाल्या आहेत आणि जिच्याबरोबर चर्चा सुरु आहेत ती आहे मिस्ट्री गर्ल सबा आझाद (Saba Azad), जी अभिनयाचे सम्राट नसीरुद्दीन शहा यांचा मुलगा इमाद शाहबरोबर (Imaad Shah) 7 वर्ष लिव्ह इनमध्ये होती…!

ऋतिकबरोबर एका हॉटेलमध्ये जाताना सबा आझाद स्पॉट झाली, तेव्हापासून ऋतिकबरोबर सबाचं नाव जोडलं जाऊ लागलं आहे. त्यांच्या जवळिकतेबाबत नव्याने चर्चा सुरु झाल्या आहेत. ते कधीपासून रिलेशनमध्ये आहेत, याचे अंदाज लावले जात आहेत. पण ज्या सबाच्या ऋतिकबरोबर अफेयर्सच्या चर्चा आहेत, ती नेमकी कोण आहे, तिचं आणि नसीरुद्दीन शाह यांच्या फॅमिलीचं काय कनेक्शन आहे, हे आपण जाणून घेऊयात…!

सबा-इमाद 7 वर्ष लिव्ह इनमध्ये!

इमाद शाह बद्दल बोलायचे तर, तो ज्येष्ठ अभिनेते नसीरुद्दीन शाह यांचा मुलगा आहे आणि तो काही चित्रपटांमधून प्रेक्षकांच्या भेटीला आला आहे. त्याला लाईम लाईटपासून दूर राहायला आवडतं. परंतु सबाबरोबरच्या अफेयर्सनी तो अचानक चर्चेत आला. सबा आणि इमाद 7 वर्ष लिव्ह इनमध्ये राहिले. परंतु त्यानंतर त्यांनी वेगळं होण्याचा निर्णय घेतला.

हृतिक-सबाच्या अफेयर्सच्या चर्चा

हृतिक रोशन आणि सबा नुकतेच स्पॉट झाले होते. दोघांनी एकमेकांचा हात धरलेला दिसला. नुकतेच एका मुलाखतीदरम्यान सबाला याबाबत विचारण्यात आलं तेव्हा तिने कोणतीही प्रतिक्रिया दिली नाही. हा प्रश्न ती अनेक वेळा टाळताना दिसत होती. आता हे दोघे पुन्हा कधी एकत्र दिसणार याची चाहत्यांना प्रतीक्षा आहे.

हृतिक रोशनचे आगामी प्रोजेक्ट

हृतिक रोशनच्या 2019 मधील वॉर चित्रपटात दिसला होता. त्यानंतर त्याचा एकही चित्रपट प्रदर्शित झालेला नाही. वॉर चित्रपटाच्या सिक्वेलमध्ये तो दिसणार आहे. याशिवाय त्याच्याकडे विक्रम वेध आणि फायटर असे आणखी दोन मोठे चित्रपट आहेत.

संबंधित बातम्या