सिनेमात ज्या अभिनेत्यासोबत रोमान्स केला, 5 वर्षांनंतर झाली त्याचीच सून… कोण आहे ‘ती’ माहितीये?

झगमगत्या विश्वात सेलिब्रिटींच्या खासगी आयुष्याची चर्चा कायम रंगत असते. असं अनेकदा झालं आहे की, ज्यांनी रुपेरी पडद्यावर भाऊ – बहिणीची भूमिका साकारली खऱ्या आयुष्यात तेच जोडीदार झालं. एवढंच नाही तर, बॉलिवूडची अशी एक प्रसिद्ध अभिनेत्री आहे जिने, ज्या अभिनेत्यासोबत सिनेमात रोमान्स केला, त्याच अभिनेत्याची ती पाच वर्षांनंतर सून झाली. सध्या ज्या अभिनेत्यासोबत अभिनेत्री रोमान्स केला, तो अभिनेता कपूर कुटुंबातील आहे. सांगायचं झालं तर, कपूर कुटुंबाचा एक कठोर नियम होता आणि तो म्हणजे सूना आणि मुलींनी बॉलिवूडमध्ये काम करायचं नाही. पण कपूर कुटुंबात अशा एक महिलेची एन्ट्री झाली, जिने पुरुषांच्या बरोबरीने बॉलिवूडमध्ये स्वतःचं स्थान भक्कम केलं.

सध्या ज्या अभिनेत्रीची चर्चा रंगली आहे, ती अभिनेत्री दुसरी तिसरी कोणी नाही तर, अभिनेत्री नीतू कपूर आहेत. नीतू कपूर यांनी 1980 मध्ये ऋषी कपूर यांच्यासोबत लग्न केलं. पण लग्नाच्या पाच वर्षांपूर्वी नीतू कपूर यांनी ऋषी कपूर यांचं काका शशी कपूर यांच्यासोबत मोठ्या पडद्यावर रोमान्स केलेला. सिनेमातील ते रोमाँटिक गाणं देखील फार गाजलं आणि सिनेमा देखील ब्लॉकबास्टर ठरला.

सांगायचं झालं तर, 1975 मध्ये प्रदर्शित झालेल्या ‘दीवार’ सिनेमात नीतू कपूर यांनी होणाऱ्या सासऱ्यांचा भाऊ शशी कपूर यांच्यासोबत ऑन-स्क्रिन गर्लफ्रेंडची भूमिका साकारली होती. त्यांच्यातील रोमाँटिक केमिस्ट्री देखील प्रेक्षकांना प्रचंड आवडली. सिनेमा देखील सुपरहीट ठरला… सिनेमा प्रदर्शित झाल्यानंतर 5 वर्षांनी नीतू कपूर यांनी ऋषी कपूर यांच्यासोबत लग्न केलं आणि शशी कपूर हे नीतू यांचे चूलत सासरे झाले. शशी कपूर हे नीतू कपूर यांचे सासरे आणि ऋषी कपूर यांचे वडील राज कपूर यांचे धाकटे भाऊ आहेत.

नीतू कपूर आणि ऋषी कपूर यांच्याबद्दल सांगायचं झालं तर, दोघांनी एकत्र जवळपास 10 पेक्षा अधिक सिनेमांमध्ये काम केलं, सिनेमांमध्ये काम करत असताना दोघांमध्ये मैत्री झाली आणि कालांतराने मैत्रीचं रुपांतर प्रेमात झालं. अखेर दोघांनी लग्नाचा निर्णय घेतला. लग्नानंतर नीतू कपूर यांनी बॉलिवूडचा निरोप घेतला आणि कुटुंबाला पूर्ण वेळ दिला. नीतू आणि ऋषी कपूर यांना दोन मुलं आहे. रणबीर आणि रिद्धीमा…