डास चावल्यानंतर त्वरित आराम मिळवण्यासाठी ‘या’ नैसर्गिक उपायांचा करा अवलंब

पावसाळा सुरू झाला की मलेरिया, चिकनगुनियासारखे आजार अनेकांना होत असतात. पावसाळ्यात होणारे हे आजार डासांच्या चाव्यामुळे होतात आणि विशेषतः पावसाळ्यात डासांची होणारी पैदास. डास केवळ रस्त्यांवर आणि परिसरातच नव्हे तर घरातही पैदास करू लागतात, ज्यामुळे मुलांपासून ते प्रौढांपर्यंत सर्वांना त्रास होतो.

लहान दिसणारे डास इतके जोरात चावतात की त्या ठिकाणी लालसर चट्टे उठतात. तर त्वचेवर येणारे हे चट्टे मुलांसाठी खूप धोकादायक ठरू शकते. यातून संसर्ग पसरण्याचा धोका असतो. तथापि काही नैसर्गिक गोष्टी आहेत ज्या डास चावल्यानंतर त्वचेच्या त्या भागावर लावल्यास आराम मिळू शकतो. चला तर मग आपण आजच्या या लेखात जाणून घेऊयात की डास चावल्यानंतर आपण कोणत्या उपायांचा अवलंब करू शकतात.

डास चावल्यानंतर काय लावावे?

बर्फाचा वापर करा – जर तुम्हाला डास चावला असेल तर लगेच बर्फ लावल्याने आराम मिळू शकतो. यासाठी, बर्फाचा तुकडा घ्या आणि तो कापडात किंवा टॉवेलमध्ये गुंडाळा. डास चावलेल्या जागेवर लावा. बर्फामुळे लालसरपणा आणि खाज लगेच कमी होईल.

कोरफड जेल– डास चावल्यानंतर वापरण्यासाठी कोरफड जेल हे सर्वात प्रभावी उपाय आहे. ते जळजळ कमी करते आणि खाज सुटण्यापासून देखील आराम देते. कोरफड जेलमध्ये अँटी-बॅक्टेरियल आणि अँटी-इंफ्लेमेटरी गुणधर्म असतात, जे खाज सुटणे, जळजळ होणे आणि लालसरपणा त्वरित कमी करतात.

मध देखील उपयुक्त आहे– डास चावल्यास मधाचा वापर खूप फायदेशीर मानला जातो. तुम्हाला फक्त डास चावलेल्या जागेवर मध लावावा लागेल. त्यात अँटी-मायक्रोबियल गुणधर्म असतात, जे संसर्गापासून आराम देतात.

बेकिंग सोडा आणि पाणी – हा घरगुती उपाय देखील खूप प्रभावी आहे. यासाठी तुम्हाला फक्त पाण्यात बेकिंग सोडा मिक्स करून त्याची पेस्ट बनवावी लागेल आणि ती डास चावलेल्या भागावर लावावी लागेल. यामुळे सूज आणि खाज लगेच कमी होण्यास मदत होते.

टी बॅग्ज वापरा- सर्वांना माहित आहे की टी बॅग्ज डोळ्यांची सूज कमी करण्यास मदत करतात. पण तुम्हाला माहिती आहे का की डास चावल्यावरही तुम्ही टी बॅग्ज वापरू शकता? तुम्हाला फक्त थंड टी बॅग्ज भागावर लावायची आहे, काही काळानंतर तुम्हाला आराम मिळेल.

अशा प्रकारे हळद लावा – डास चावल्यावर हळद लावणे देखील खूप फायदेशीर आहे. त्यात नैसर्गिक उपचार करणारे घटक असतात. त्यात दाहक-विरोधी आणि अँटीऑक्सिडंट गुणधर्म देखील असतात. हळद अनेक प्रकारच्या जखमा बऱ्या करण्यासाठी उपयुक्त आहे. तुम्हाला फक्त प्रभावित भागावर हळद लावावी लागेल आणि काही वेळातच तुम्हाला आराम मिळेल.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)