सकाळी रिकाम्या पोटी किती पाणी प्यावे? जाणून घ्या तज्ञांकडून

बदलत्या जीवनशैलीत आपले आरोग्य तंदूस्त राहावे यासाठी काहीजणांना सकाळी उठल्यावर रिकाम्या पोटी पाणी पिण्याची एक सामान्य सवय असते. बरेच लोकं या गोष्टीला दिवसाची चांगली सुरुवात मानतात. रात्रीच्या झोपेनंतर शरीर काही वेळेसाठी डिहायड्रेटेड राहते, ज्यामुळे सकाळी पाणी पिणे आवश्यक असते. मात्र आपल्यापैकी अनेक लोकांना असा प्रश्न पडतो की रिकाम्या पोटी किती प्रमाणात पाणी पिणे योग्य आहे. काही लोक खूप जास्त पाणी पितात, तर काही लोक फक्त एका ग्लास इतके मर्यादित पाणी पितात.

याव्यतिरिक्त सकाळी रिकाम्या पोटी पाणी पिण्याचे शरीरावर काय परिणाम होतात आणि ही सवय सर्वांसाठी सारखीच असावी का हे समजून घेणे देखील तितकेच महत्त्वाचे आहे. अनेकदा माहितीच्या अभावामुळे बहुतेकजण चुकीच्या पद्धती अवलंबतात, ज्यामुळे फायदा होण्याऐवजी आरोग्याचे नुकसान होऊ शकते. यासाठी आजच्या लेखात आपण सकाळी रिकाम्या पोटी किती कप पाणी प्यावे याबद्दल जाणून घेऊयात.

सकाळी रिकाम्या पोटी किती पाणी प्यावे?

आरएमएल रुग्णालयातील औषध विभागाचे संचालक प्रोफेसर यांनी सांगितले आहे की सकाळी रिकाम्या पोटी एक ते दोन ग्लास पाणी पिणे सामान्यतः पुरेसे मानले जाते. हे प्रमाण शरीराला दिवसभरासाठी तयार करण्यास मदत करू शकते. तसेच पाणी हळूहळू पिणे चांगले जेणेकरून शरीर ते अधिक सहजपणे शोषू शकेल. एकाच जास्त पाणी प्यायल्याने व्यक्तीला अस्वस्थता निर्माण होऊ शकते.

तर दुसरीकडे खूप कमी पाणी प्यायल्याने शरीराला आवश्यक फायदे मिळत नाहीत. म्हणून, संतुलन राखणे महत्वाचे आहे. सर्वात महत्वाची गोष्ट म्हणजे तुमच्या शरीराचे संकेत समजून घेणे आणि त्यानुसार तुम्ही पाण्याचे प्रमाण ठरवणे. सकाळी पाणी पिण्याची सवय नैसर्गिकरित्या अंगीकारली पाहिजे, जबरदस्तीने नाही.

सकाळी रिकाम्या पोटी पाणी पिण्याचे फायदे

सकाळी रिकाम्या पोटी पाणी प्यायल्याने शरीर ताजेतवाने होते, रात्रीचे डिहायड्रेशन भरून निघते आणि दिवसाची सकारात्मक सुरुवात होते. यामुळे शरीर हलके वाटण्यास मदत होते आणि पचन प्रक्रिया सक्रिय होते. नियमित पाण्याचे सेवन केल्याने शरीर दिवसभर हायड्रेट राहण्यास मदत होते.

याव्यतिरिक्त ते शरीराला सक्रिय ठेवण्यास आणि आळस कमी करण्यास मदत करू शकते. ही सवय शरीराचे सामान्य कार्य राखण्यास मदत करते. तर सकाळी पाणी प्यायल्याने दिवसभर योग्य पाणी पिण्याची सवय विकसित होण्यास मदत होते.

सावधगिरी देखील आवश्यक आहे

सकाळी रिकाम्या पोटी पाणी पिणे फायदेशीर ठरू शकते, परंतु सावधगिरी बाळगणे खूप महत्वाचे आहे. कारण रिकाम्या पोटी खूप थंड पाणी प्यायल्याने काही लोकांना अस्वस्थता येऊ शकते.

जर एखाद्याला पोट, किडनी किंवा इतर आरोग्य समस्या असतील तर त्यांनी किती पाणी प्यावे याची काळजी घेतली पाहिजे. पाणी हळूहळू आणि संतुलित प्रमाणात पिणे चांगले. तुमच्या शरीराच्या गरजा समजून घेतल्यानंतरच ही सवय लावावी.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)