Health Tips: हिवाळ्यात चांगले आरोग्य राखण्यासाठी रात्री ‘या’ पदार्थांचे सेवन टाळा
सकाळी आणि दुपारी जसा समतोल आहार गरजेचा आहे, तसेच रात्रीचे जेवणही हेल्दी व समतोल असले पाहिजे. रात्रीच्या जेवणाचा आपल्या संपूर्ण आरोग्यावर प्रभाव पडू शकतो.
नवी दिल्ली – थंडीच्या दिवसांत (winter season) आजारी पडण्याचा धोका सर्वाधिक असतो. अशावेळी हिवाळ्यात आपण आपल्या आरोग्याची अधिक काळजी घेत खाण्या-पिण्याकडेही विशेष लक्ष दिले पाहिजे. ज्याप्रमाणे सकाळी आणि दुपारी जसा समतोल आहार गरजेचा (healthy diet) आहे, तसेच रात्रीचे जेवणही हेल्दी व समतोल असले पाहिजे. रात्रीच्या जेवणाचा आपल्या संपूर्ण आरोग्यावर प्रभाव पडू शकतो. हिवाळ्यात चांगले आरोग्य राखायचे असेल तर रात्रीच्या वेळेस काही पदार्थांचे सेवन (avoid these foods in night) करणे टाळावे.
फळं
थंड वातावरणात रात्री आंबट फळे खाणे टाळावे. हिवाळ्यात आंबट आणि थंड प्रकृतीची फळे अजिबात खाऊ नका. रात्रीच्या वेळेस लिंबूवर्गीय फळे खाल्ल्याने ॲसिड रिफ्लेक्स होऊ शकतो, ज्यामुळे छातीत जळजळ होणे यासारख्या समस्या उद्भवू शकतात. तसेच रात्रीच्या वेळेस थंड प्रकृतीची फळे खाल्ल्याने तुम्ही आजारी पडू शकता.
मसालेदार जेवण
हिवाळ्याच्या दिवसात मसालेदार अन्न कमी खावे, विशेषतः रात्रीच्या वेळेस त्याचे कमी सेवन करावे. रात्री मसालेदार अन्न खाल्ल्याने पोट खराब होऊन तब्येतीवर परिणाम होऊ शकतो.
कच्च्या भाज्या
हिवाळ्यात रात्रीच्या वेळेस टोमॅटो, गाजर, मुळा, कांदा अशा कच्च्या भाज्या खाणे योग्य नाही. कच्च्या भाज्यांमुळे पोटात गॅस तयार होतो. रात्रीच्या वेळेस आपला पचनक्रिया आणि मेटाबॉलिज्म (चयापचय) यांचे कार्य मंद गतीने होते, त्यामुळे रात्रीच्या वेळी पचण्यास जड अशा कच्च्या पदार्थांचे सेवन करणे टाळावे.
तळलेले अन्न
रात्रीच्या वेळेस तळलेले अन्नपदार्थ खाऊ नयेत. रात्री पचनक्रिया मंद होते, त्यामुळे पचण्यस जड असे तेलकच अथवा तळलेले पदार्थांचे गोष्टींचे सेवन केल्याने पोटाशी संबंधित समस्या निर्माण होऊ शकतात. तसेच आपले वजनही वाढू शकते.
कॅफेनयुक्त पदार्थ
थंडी असो किंवा उन्हाळा रात्रीच्या वेळेस कॅफेनयुक्त पदार्थ अथवा पेयांचे सेवन करू नये. कॅफेनयुक्त पदार्थ खाल्यामुळे किंवा प्यायल्यामुळे झोपेशी संबंधित समस्या निर्माण होऊ शकतात. तसेच या पदार्थांमध्ये अतिरिक्त प्रमाणात साखर असते ज्यामुळे शरीराचे वजन वाढू शकते.
(डिस्क्लेमर- संबंधित विकारांची प्राथमिक माहिती, लक्षणे, तसेच काय करता येईल, याची माहिती देण्याचा आमचा हा प्रयत्न आहे, पण कोणताही उपचार करण्याआधी संबंधित आजारातील, तज्ज्ञ डॉक्टरांचा सल्ला घ्या.)
