बकरी ईदच्या आधी या देशात ‘Trump’ आणि ‘Netanyahu’ या कारणाने फेमस, लोक घेताहेत सेल्फी
बांगलादेशात ईद-उल-अजहा आधीच दोन रेडे सोशल मीडियात व्हायरल होत आहेत. लोकांनी त्यांचे नाव डोनाल्ड ट्रम्प आणि बेंजामिन नेतान्याहू ठेवले आहे. त्यांच्या विशिष्ट लुकमुळे ते चर्चेत आहेत.
बांगलादेशात ईद-उल-अजहाची तयारी सुरु असतानाच या दोन म्हशी सोशल मिडीयात जबरदस्त चर्चेचा विषय बनल्या आहेत. या म्हशींची खासीयत केवळ त्यांचे वजनदार शरीर नसून तर त्यांचा चेहरा आणि स्वभाव आहे. या म्हशींना जगातील दोन मोठ्या नेत्यांशी जोडले जात आहे. याचे कारण हे आहे की यांचे नाव अमेरिकेचे राष्ट्राध्यक्ष डोनाल्ड ट्रम्प आणि इस्रायलचे पंतप्रधान बेंजामिन नेतान्याहू यांच्याशी जोडले जात आहे.
ढाका येथील तब्येलात या दोन म्हशींना पाहण्यासाठी लोकांची मोठी गर्दी होत आहे. लोक त्यांच्या सोबत फोटो आणि सेल्फी काढत आहेत. तर सोशल मीडियावर त्यांचे व्हिडीओ व्हायरल होत आहेत.
येथे पोस्ट पाहा –
A buffalo in Bangladesh has gone viral ahead of Eid al-Adha after being nicknamed “Donald Trump” due to its unusual resemblance to the US President.
Weighing around 700kg, the buffalo was raised on a local farm in Narayanganj. It was fed a nutritious diet consisting of corn,… pic.twitter.com/VpdCrUFa2J
— • (@Alhamdhulillaah) May 11, 2026
बांगलादेशातील प्रसारमाध्यमातील वृत्तानुसार डोनाल्ड ट्रम्प नावाच्या रेड्याचे वजन ७०० किलो आहे. त्याची त्वचा आणि सोनेरी रंगाच्या केसांमुळे लोक त्याला ट्रम्प नावाने संबोधत आहे.अनेक व्हिजिटर्स मजेत म्हणत आहेत की त्याचा रंग जरी ट्रम्प यांच्या सारखा असला तरी त्याचा स्वभाव अगदी विरोधाभासी शांत आणि नम्र आहे.
या वजनदार रेड्याचे मालक जियाउद्दीन यांनी सांगितले की त्याला ‘ट्रम्प’ हे नाव त्यांच्या लहान भावाने ठेवले आहे. त्यांचे म्हणणे आहे की अल्बिनो रेडे हे जोपर्यंत त्यांना त्रास दिला जात नाही तोपर्यंत शांत असतात. बकरी ईदच्या आधीच हा ‘ट्रम्प’ विकला गेला आहे.
येथे पोस्ट पाहा –
🚨 MUNDO l Búfalo albino chamado Donald Trump vira atração em Bangladesh pic.twitter.com/j2AAvFfhVR
— Notícias Paralelas (@NP__Oficial) May 14, 2026
दुसरीकडे ‘बेंजामिन नेतन्याहू’ नावाचा अन्य एक रेडा देखील इंटरनेटवर खूपच चर्चेत आहे. हा रेडा ७५० किलोहून जास्त वजनाचा असल्याचे म्हटले जात आहे. त्याचा स्वभाव आधीच्या ‘ट्रम्प’ पेक्षा एकदम वेगळा आहे.
फार्मशी संबंधित लोकांच्या मते हा नेतान्याहू नावाचा रेडा खूपच आक्रमक आहे. तो नेहमीच मोठ्याने आवाज काढतो. अचानक हँडलर्सकडे वेगाने धावत जातो आणि त्याचे वागणे खूपच अनपेक्षित असते. एका फार्म मॅनेजरने मस्करीत सांगितले की या रेड्याचे डोके कुरापती आहे, ज्याच्यामुळे लोकांचा इंटरेस्ट आणखीन वाढला आहे.
ईद जवळ आली असताना दोन्ही रेडे बांगलादेशात व्हायरल होत आहेत. सोशल मीडियावर लोक यांच्या विषयी चर्चा करत आहे. खरोखरच यांचा चेहरा आणि वागणं या रेड्यांशी जुळतोय की हा केवळ योगायोग आहे. कारण कोणतेही असो परंतू या दोन्ही रेड्यांनी यावेळी बकरी ईदच्या आधी सर्वांचे लक्ष वेधले आहे.
