नवरा आणि बायकोची विमानातच जुंपली, करावे लागले इमर्जन्सी लॅंडीग…

पती आणि पत्नी याचं नातं वेगळच असते. संसार म्हटला की भांड्याला भांड लागतच असेही म्हटले जाते. पती आणि पत्नी सोशली त्याचं नात किती चागलं आहे हे भासवित असले तरी काही ना काही कुरबुरी आणि आदळ आपट घरोघरी सुरुच असते. अनेक जोडपी भररस्त्यात भांडताना दिसतात. काल परवा उत्तर प्रदेशातील व्हायरल झालेल्या एका व्हिडीओ तर पत्नीने पतीचे कॉलर पकडून त्यांना चांगलेच कानफटवल्याच्या व्हिडीओने सोशल मिडीयात हंगामा झाला होता. बाहेर नवरे फुशारक्या मारीत असल्या तरी घरी आल्यावर बायको समोर त्याचं काही चालत नाही अगदी वाघाचं मांजर झालेलं असते. असाच एक मेलोड्रामा विमान उडत असताना घडला आहे.

पती आणि पत्नी यांच्यात अचानक विमानात भांडण सुरु झाले. हे भांडण इतके वाढले की विमानाची इमर्जन्सी लँडींग करण्याची वेळ आली. डेली स्टारच्या वृत्तानूसार अलिकडेच घडलेल्या या घटनेत डबलिन येथून टेकऑफ घेतलेल्या विमानात नवरा आणि बायकोचे भांडण सुरु झाले. हे भांडण इतके विकोपाला गेले की विमानाला रिर्टन यावे लागले. याचा फटका त्या संबंधित कुटुंबासह विमानातील अन्य प्रवाशांनाही बसला.

डबलिनहून फ्लाईट EI738 ने सायंकाळी 7.15 वाजता उड्डाण घेतले. एक तासानंतर क्रने इमर्जन्सीची लँडींगची घोषणा केली. कारण या जोडप्याची हाणामारी इतकी मोठी झाली की त्यांना शांत करण्याचे क्रचे सगळे प्रयत्न व्यर्थ ठरले. दोघेही एकमेकांना लाथा बुक्क्या घालू लागले इतपर्यंत ही मारामारी झाली. जेव्हा परिस्थिती हाताबाहेर जात आहे हे लक्षात येताच विमानाने कंट्रोल रुमला माहिती दिली. आणि नाईलाजाने अखेर नॅनटेस एअरपोर्टवर या विमानाची इमर्जन्सी लँडींग करण्यात आली.

अखेर दोन तासांच्या विलंबाने उड्डाण

या नवरा – बायकोच्या भांडणात या नवऱ्याने बायकोला चेहऱ्यावर जोरदार ठोसा मारल्याने ती गंभीर जखमी झाली. त्यानंतर तिचे प्राण वाचविण्यासाठी विमानाची इमर्जन्सी लँडींग झाली. या नवरोबाला पोलिसांना लागलीच अटक केली. अखेर दोन तासांच्या विलंबानंतर हे विमानाने पुन्हा उड्डाण घेतले आणि ते आपल्या गंतव्य स्थानी म्हणजे पाल्मा डी मलोरका एअर पोर्टवर पोहचले. विमानातील प्रवाशांनी या प्रकारानंतर जाहीर नाराजी व्यक्त केली आहे. या अशा प्रकाराचा इतरांना नाहक त्रास झाल्याने ते नाराज झाले. सोशल मिडीयावर देखील अनेकांनी आपल्या भावना व्यक्त केल्या.