दसऱ्याच्या दिवशी आंतरराष्ट्रीय बाजारातून आनंदाची बातमी! अमेरिकेला मोठा दणका, या गोष्टी होणार स्वस्त, युरोपीय देशांनी…

अमेरिकेने लावलेल्या टॅरिफनंतर मोठा फटका भारताला बसला. अमेरिकेत होणारी तब्बल 70 टक्के निर्यात बंद झाली. हे नुकसान भरून काढण्यासाठी भारताकडून विविध पर्याय शोधली जात आहेत. भारत आणि युरोपियन मुक्त व्यापार संघटना (EFTA) यांच्यातील मुक्त व्यापार करार हा चार प्रमुख युरोपीय देशांचा समूह आहे. नॉर्वे, आइसलँड, लिकटेंस्टाईन आणि स्वित्झर्लंड. या चार देशांसोबत भारताचा हा पहिलाच मुक्त व्यापार करार आहे. या चार देशांसोबत भारत व्यापार करणार आहे. या करारानुसार, 15 वर्षात सुमारे 8.86 लाख कोटी रुपयांची गुंतवणूक मिळण्याची अपेक्षा आहे. हेच नाही तर यामुळे भारतात 10 लाख नवीन रोजगार निर्माण होण्याची संधी देखील आहे.

मुळात म्हणजे भारताच्या दृष्टीकोनातून हा करार अत्यंत महत्वाचा आहे. फक्त व्यापार संबंधच मजबूत होणार नाहीत तर भारतीय निर्यातदार आणि उद्योगपतींसाठी ही नवीन बाजारपेठ असणार आहेत. EFTA ने भारताच्या 99.6 टक्के निर्यातीवर कर सवलत देण्याचा निर्णय घेतला आहे. ही भारतासाठी अत्यंत मोठी दिलासादायक बाब आहे. भारतीय व्यापाऱ्यांना एक वेगळी आणि नवीन बाजारपेठ या माध्यमातून मिळणार आहे.

भारतीयांसाठी दिलासा असा की, एफटीएच्या अंमलबजावणीमुळे काही गोष्टी भारतीय बाजारपेठेत आता स्वस्त होणार आहेत. कपडे, बिस्किटे, चॉकले, सुकामेवा, कॉफी, घड्याळे यांच्या किंमती  कमी होतील. केमिकल्स आणि प्लास्टिक प्रोडक्ट्स देखील स्वस्त होण्याचे मोठे संकेत आहेत. अमेरिकेने भारतावर मोठा टॅरिफ लावला. त्यानंतर आता या चार देशांची बाजारपेठ भारताला मिळालीये.

भारताने मोठे पाऊस उचलत आतापर्यंत 16 देश आणि गटांसोबत FTA वर स्वाक्षरी केली आहे. यामध्ये भूतान, श्रीलंका, सिंगापूर, मलेशिया, कोरिया, जपान, थायलंड,ऑस्ट्रेलिया, यूके, यूएसई, मॉरिशससह अन्य देशांचा समावेश आहे.  एफटीएनुसार, व्यापार करार हा दोन किंवा अधिक देशांमधील एक करार असतो. जो व्यापारावरील शुल्क कमी करतो किंवा काढून टाकतो. त्याचा उद्देश त्या देशांमधील व्यापाराला चालना देणे आणि व्यापारातील अडथळे दूर करणे आहे.