लँडिंग करताना विमान डोंगराला आदळून नदीत कोसळलं, आगीचा भडका; 32 प्रवाशांचे मृतदेह बाहेर काढले
यति एअरलाइन्सचं हे विमान होतं. काठमांडूवरून हे विमान पोखरा येथे जात होते. त्यावेळी विमान लँडिंग करताना जमिनीवर आदळलं. त्यामुळे अचानक विमानाने पेट घेतला.
काठमांडू: नेपाळच्या पोखरा येथे विमान लँडिंग करताना जमिनीवर आदळलं. विमान लँडिंग करत असताना डोंगराला जाऊन आदळलं, त्यानंतर हे विमान सेती नदीत कोसळलं आणि विमानाने प्रचंड पेट घेतला. या दुर्घटनेत आतापर्यंत 32 जणांचे मृतदेह बाहेर काढण्यात आलं आहे. विमानातून 68 प्रवासी आणि चार क्रू मेंबर असे एकूण 72 प्रवासी प्रवास करत होते. या दुर्घटनेनंतर बचाव कार्य सुरू करण्यात आलं आहे. तसेच सर्व एजन्सींना अलर्ट मोडवर राहण्याच्या सूचना देण्यात आल्या आहेत.
A total of 68 passengers & four crew members were on board the Yeti airlines aircraft that crashed between the old airport and the Pokhara International Airport, Sudarshan #Bartaula, spokesperson of Yeti Airlines: The Kathmandu Post#nepal pic.twitter.com/ap0Q02NivV
— Rahul Sisodia (@Sisodia19Rahul) January 15, 2023
यति एअरलाइन्सचं हे विमान होतं. काठमांडूवरून हे विमान पोखरा येथे जात होते. त्यावेळी विमान लँडिंग करताना एका डोंगराला जाऊन आदळलं. त्यानंतर हे विमान सेती नदीत जाऊन कोसळलं. त्यामुळे अचानक विमानाने पेट घेतला. बघता बघता ही आग प्रचंड भडकली. या अपघातात आतापर्यंत 32 प्रवासी दगावले आहेत. मृतांचा आकडा आणखी वाढण्याची शक्यता वर्तवली जात आहे.
नेपाळमधील जुनं विमानतळ आणि पोखरा आंतरराष्ट्रीय विमानतळाच्या दरम्यान ही दुर्घटना घडली. दुर्घटनेनंतर स्थानिकांनी घटनास्थळी धाव घेऊन बचावकार्य सुरू केलं आहे. तसेच सर्व एजन्सींना अलर्ट मोडवर राहण्यास सांगितलं आहे. बचाव कार्य करण्यासाठी नेपाळी सेनाही घटनास्थळी दाखल झाली आहे.
तसेच पोलीस, विमान प्राधिकरणाचे अधिकारी घटनास्थळी पोहोचले असून त्यांनीही मदतकार्य सुरू केलं आहे. दरम्यान, बचावकार्य सुरू असल्याने तूर्तास एअरपोर्ट बंद करण्यात आलं आहे. तसेच या परिसरात पोलिसांचा बंदोबस्त वाढवण्यात आला आहे.
हे विमान पोखराच्या जवळ पोहोचले होते. मात्र, डोंगराळ प्रदेशात ही दुर्घटना घडली. खराब हवामानामुळे ही विमान दुर्घटना घडली असल्याचं सांगितलं जात आहे. तसेच विमानातील प्रवाशांची माहिती घेतली जात असल्याचंही सूत्रांनी सांगितलं.
