भारत पाकिस्तान सीमेवरील रात्रीच्या वेळीस दिसणाऱ्‍या अद्भूत दृश्याचा व्हायरल व्हिडिओ, इंडिगो पायलटने केला शेअर

भारत- पाकिस्तान सीमेचा एक मनमोहक व्हिडिओ इंटरनेटवर वेगाने व्हायरल होत आहे. इंडिगोचे पायलेट कॅप्टन प्रदीप कृष्णन यांनी हा व्हिडिओ त्यांच्या कॉकपिटमधून रेकॉर्ड केला आहे. रात्रीच्या अंधारात आकाशातून दोन्ही देशांची बॉर्डर कशी दिसते, हे या क्लिपमध्ये स्पष्टपणे दिसून येते. हे दृश्य पाहणे खरोखरच खूप मनमोहक आहे.

या व्हायरल व्हिडिओमध्ये रात्रीच्या अंधारात प्रकाशाची एक चमकणारी पट्टी दिसत आहे. ही चमकणारी रेषा म्हणजे रॅडक्लिफ लाईन, भारत आणि पाकिस्तानला विभागणारी सीमारेषा आहे. यामध्ये कडेकोट पहारा असलेल्या सीमेवर दोन्ही देशांच्या चौक्या आणि सुरक्षा कॅम्प दिसत आहेत, ज्यांचे दिवे आकाशातून पाहिल्यास ताऱ्यांच्या समूहासारखे दिसतात. हे दृश्य इतके सुंदर दिसत आहे की, पहिल्यांदा पाहिल्यावर त्यावर विश्वासच बसत नाही.

तर यावेळी व्हिडिओमध्ये कॅप्टन प्रदीप कृष्णन प्रवाशांना यासंबंधीत सांगत आहे की “प्रिय प्रवाशांनो… तुम्ही विमानाबाहेर पाहिल्यास, तुम्हाला जगातील सर्वात संवेदनशील आणि कडक सुरक्षा असलेली भारत-पाकिस्तानची सीमा दिसेल: ”

हा प्रकाश अंतराळातूनही दिसतो

पायलटने हा व्हिडिओ त्याच्या इंस्टाग्राम अकाउंटवर शेअर केला आणि त्याला कॅप्शन दिले, “भारत-पाकिस्तान सीमेवरील हे दिवे इतके तेजस्वी आहेत की ते अंतराळातूनही दिसू शकतात. मध्यरात्रीच्या अंधारात चमकणारे हे दिवे खरोखरच नेत्रदीपक आहेत.”

नेटकरी हा व्हिडिओ पाहून मंत्रमुग्ध झाले आहेत आणि विविध प्रकारच्या कमेंट देत आहेत. एकाने नेटकऱ्याने कमेंटमध्ये लिहिलं आहे की, “राजकारण आणि इतिहासाच्या कटुतेने विभागलेले, दोन्ही बाजूंना प्रेमळ लोक राहतात. तर ” दुसऱ्याने गंमतीने लिहिलं आहे की, “सगळं ठीक आहे, पण या सीमेची विजेची बिलं कोण भरतं?” आणखी एका वापरकर्त्याने लिहिले, “हे दृश्य म्हणजे एकत्र वाहणाऱ्या, पण कधीही भेटू न शकणाऱ्या दोन महासागरांसारखे आहे.”