वीड, गांजा आणि चरस यामध्ये काय आहे फरक? शरीरावर नेमका काय परिणाम करतात?

आजच्या काळात नशेच्या पद्धती आणि प्रकारांमध्ये वेगाने बदल दिसत आहेत. पूर्वी जिथे गांजा, चरस आणि अफू यांसारख्या पारंपरिक गोष्टी जास्त प्रचलित होत्या, तिथे आता तंत्रज्ञानासोबतच नशेचे नवे आणि अधिक धोकादायक प्रकार समोर येत आहेत. यापैकीच एक म्हणजे हायड्रोपोनिक वीड, ज्याला हायड्रोपोनिक गांजा असेही म्हणतात. हायड्रोपोनिक वीडची नशा ही अगदी जलद चढते तसेच याची किंमतही प्रचंड असते. अनेकांना प्रश्न पडतो की वीड, गांजा आणि चरस यामध्ये नेमका काय फरक आहे?

डोंगरात किंवा शेतात उगवलेला सामान्य गांजाच्या तुलनेत हायड्रोपोनिक वीड अनेक पट अधिक शक्तिशाली आणि धोकादायक असतो. यामुळेच तरुणांमध्ये याची क्रेज वाढत आहे, पण कायदा आणि आरोग्याच्या दोन्ही दृष्टीने हा गंभीर धोका आहे. चला तर मग जाणून घेऊया की हायड्रोपोनिक वीड नक्की काय आहे, हा सामान्य गांजा आणि चरसपासून कसा वेगळा आहे आणि याला इतका महाग नशा का मानले जाते.

हायड्रोपोनिक वीड काय असते?

हायड्रोपोनिक वीड म्हणजे हायड्रोपोनिक पद्धतीने उगवलेला गांजा. या शेतीत झाडे मातीमध्ये उगवली जात नाहीत, तर पाण्यात विरघळलेल्या विशेष पोषक तत्त्वांच्या साहाय्याने उगवली जातात. झाडांच्या मुळांना थेट पाणी, पोषण आणि ऑक्सिजन मिळते. या तंत्रज्ञानामुळे झाडे खूप जलद वाढतात आणि त्यातील नशिला घटक टीएचसी (THC) सामान्य गांजाच्या तुलनेत खूप जास्त असतो. यामुळेच याचा प्रभावही अधिक जलद आणि धोकादायक असतो.

गांजा आणि चरसपासून हायड्रोपोनिक वीड किती वेगळे?

गांजा मातीमध्ये नैसर्गिक पद्धतीने उगवला जातो, चरस हे गांजाच्या झाडातून निघालेला गडद राळ असते. पण हायड्रोपोनिक वीड मातीशिवाय, नियंत्रित वातावरणात उगवले जाते. गांजाचा नशा थोडा हलका असतो. चरस गांजापेक्षा अधिक प्रभावी असते. पण हायड्रोपोनिक वीड हे सर्वात जास्त नशीले असते. सामान्य गांजा आणि चरस स्वस्त असतात. तर हायड्रोपोनिक वीड अत्यंत महाग असते.

हायड्रोपोनिक वीड हे किती महाग आहे

हायड्रोपोनिक वीड उगवण्यासाठी आधुनिक तंत्रज्ञान, यंत्रे, नियंत्रित तापमान, विशेष दिवे आणि महागडे पोषक तत्त्वांची गरज असते. ही शेती उघड्या शेतात नव्हे तर विशेष लॅब किंवा फार्ममध्ये होते. यामुळेच याची किंमत खूप जास्त असते. आंतरराष्ट्रीय बाजारात याची किंमत इतकी जास्त आहे की एक किलो हायड्रोपोनिक वीडची किंमत सुमारे एक कोटी रुपयांपर्यंत सांगितली जाते. यामुळेच याला श्रीमंतांचा नशा असेही म्हणतात.

याचे उत्पादन कुठे जास्त होते?

जगातील अनेक देशांत याचे उत्पादन होते, पण थायलंड हे याचे मोठे केंद्र मानले जाते. तिथे याचे उत्पादन इतक्या मोठ्या प्रमाणात होते की काही लोक याला गरीबांचे कोकेन असेही म्हणतात. याशिवाय कॅनडा, ऑस्ट्रेलिया आणि काही पाश्चिमात्य देशांतही याची शेती केली जाते. भारतात याची मागणी वाढल्यामुळे याला चोरून बँकॉक, हाँगकाँग यांसारख्या शहरांतून तस्करी करून आणले जाते. अनेकदा रेव्ह पार्टी आणि हाय-प्रोफाइल भागांत याचा वापर केला जातो.

(डिस्क्लेमर: वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच आम्ही कोणत्याही व्यसनाला प्रवृत्त करत नाही)